2 oblysta respýblıkalyq mańyzy bar 2 jolda kólik qozǵalysy shekteldi

ASTANA. KAZINFORM - 22 aqpan saǵat 18:00-degi jaǵdaı boıynsha aýa raıynyń qolaısyzdyǵyna baılanysty 2 oblysta respýblıkalyq mańyzy bar 2 avtojolda kólik qozǵalysyna shekteý engizildi.

Bul týraly «QazAvtoJol» respýblıkalyq mańyzy bar avtomobıl joldarynyń ulttyq operatory málim etti.

Qostanaı oblysynda – jalpy uzyndyǵy 83 shaqyrymdy quraıtyn 1 avtojol (Ulytaý oblysyndaǵy aýa raıynyń qolaısyzdyǵyna baılanysty)

1. «Jezqazǵan-Petropavl» - Ulytaý oblysynyń Arqalyq qalasymen shekarasy (kóliktiń barlyq túrleri úshin)

Ulytaý oblysynda – jalpy uzyndyǵy 115 shaqyrymdy quraıtyn 1 avtojolda (ekpindi jel, aýa temperatýrasynyń tómendeýi)

1. «Jezqazǵan-Petropavl» - Ulytaý k.-Qostanaı obl.shek. (barlyq kólik túrleri úshin)

«Osy saǵatta respýblıkalyq mańyzy bar avtojoldardy qysqy kútip – ustaýǵa 631 tehnıka jáne 1389 jol mamany jumyldyryldy»,-delingen habarlamada.