2 naýryz. Tulǵalar týǵan kún
Búgin, 2 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
50 jyl buryn (1976) Shyǵys Qazaqstan oblysy Jumyspen qamtý jáne áleýmettik baǵdarlamalardy úılestirý basqarmasynyń basshysy Almıra Áskerhanqyzy MÝSINOVA dúnıege keldi.
Shyǵys Qazaqstan oblysy Katonqaraǵaı aýdany Medvedka aýylynda týǵan. S.Amanjolov atyndaǵy ShQÝ-dy «Dúnıejúzi tarıhy» mamandyǵy boıynsha bitirdi.
Eńbek jolyn Jezqazǵan qalasynyń ІІB jeke kúzet batalonynyń serjanty bolyp bastady. 2009-2010 jyldary Óskemen qalasy ákimdiginiń uıymdastyrý-baqylaý jáne kadr jumysy bóliminiń bas mamany, 2010-2011 jyldary atalǵan ákimdikte áleýmettik-saıası jaǵdaıdy taldaý bóliminiń meńgerýshisi, 2011-2013 jyldary Óskemen qalasy ákiminiń áleýmettik blok boıynsha bas ınspektory boldy. 2013-2014 jyldary qala ákiminiń keńesshisi, 2014-2020 jyldary Óskemen qalasy ákimdiginiń uıymdastyrý-ınspektorlyq jumys bóliminiń basshysy laýazymyn atqarǵan. 2020-2021 jyldary Óskemen qalalyq jumyspen qamtý jáne áleýmettik baǵdarlamalar bóliminiń basshysy bolyp eńbek etti.
40 jyl buryn (1986) Qazaqstan Respýblıkasynyń Qarjy vıtse-mınıstri Dáýren Odenuly TEMІRBEKOV dúnıege keldi.
Shyǵys Qazaqstan oblysynda týǵan. «Bolashaq» baǵdarlamasy boıynsha Ulybrıtanııanyń Sheffıld ýnıversıtetin támamdaǵan.
Eńbek jolyn 2007 jyly QR Qarjy mınıstrligi Memlekettik múlik jáne jekeshelendirý komıtetiniń mamany bolyp bastaǵan. 2007-2009 jyldary QR Qarjy mınıstrligi Memlekettik múlik jáne jekeshelendirý komıtetinde jumys istedi. 2009-2015 jyldary QR Qarjy mınıstrliginiń ortalyq apparatynda túrli laýazym atqardy. 2017-2022 jyldary QR Qarjy mınıstrliginiń Bıýdjettik kredıtteý, QR Ulttyq qory jáne qarjy sektory máseleleri boıynsha ózara is-qımyl departamentinde basshylyq laýazymda boldy.
Qazirgi qyzmetin 2022 jylǵy qyrkúıekten bastap atqaryp keledi.
88 jyl buryn (1938-2007) Qazaqstannyń halyq ártisi, Qazaqstan men Qyrǵyzstannyń eńbek sińirgen óner qaıratkeri, Memlekettik jáne Jastar syılyqtarynyń, táýelsiz «Tarlan» syılyǵynyń laýreaty, professor Raıymbek Noǵaıbaıuly SEIІTMET dúnıege keldi.
Túrkistan qalasynda týǵan. Almaty memlekettik óner ınstıtýtyn bitirgen. 1970-1971 jyldary Máskeýdegi Memlekettik teatr óneri ınstıtýty janyndaǵy joǵary rejısserler kýrsynda oqyǵan.
1959-1960 jyldary «Qazaqfılm» kınostýdııasynyń akteri, 1960-1980 jyldary Qazaq memlekettik akademııalyq drama teatrynyń akteri, dırektory, 1980-1982 jyldary Qazaq KSR Mádenıet mınıstrligi Óner isteri basqarmasynyń bastyǵy, 1982-1995 jyldary Qazaq memlekettik akademııalyq jastar men balalar teatrynyń bas rejısseri ári kórkemdik jetekshisi bolyp qyzmet atqardy. 1995 jyldan ómiriniń sońyna deıin ıAsaýı atyndaǵy Halyqaralyq qazaq-túrik ýnıversıtetiniń «Óner» kafedrasyn basqarǵan.
Sahnalyq óner jolynda Áýbákir (Q. Baıseıitov, Q. Shańǵytbaev «Beý, qyzdar-aı»), Arystan, Suńǵat (Q. Muhamedjanov «Bóltirik bórik astynda», «Qudaǵı kelipti»), Qozy (Ǵ. Músirepov «Qozy Kórpesh - Baıan sulý»), Ábish (M. Áýezov, L. Sobolev «Abaı»). Shoqan (S. Muqanov «Shoqan Ýálıhanov»), Jaınaq (Sh. Aıtmatov «Ana - Jer-ana»), Kochkarev (N. Gogol «Úılený»), Lıýchentsıo, Kassıo (Ý. Shekspır «Asaýǵa tusaý», «Otello») sekildi ár alýan rólderdi oınaýda oryndaýshylyq sheberligimen kózge tústi.
Ol rejısserlik qyzmetpen de shuǵyldanyp, Qazaq memlekettik akademııalyq drama teatrynda B. Maılınniń «Neke qııar», Á. Tarazıdiń «Joly bolǵysh jigit», Qazaq memlekettik akademııalyq jastar men balalar teatrynda Áýezovtiń «Alýa», T. Ábdiktiń «Biz úsheý edik», Ǵ. Músirepovtiń «Aqan seri - Aqtoqty», Sh. Murtazanyń «Stalınge hat», «Beseýdiń haty», O.Súleımenov pen B. Muqaıdyń «Zamanaqyr» jáne basqa týyndylardy qoıǵan.
53 jyl buryn (1973-225) tanymal ekonomıst, qarjyger, Qazaqstannyń memleket qaıratkeri Qambarbek Amangeldiuly MÚBARAKOV dúnıege keldi.
Qyzylorda polıtehnıkalyq ınstıtýtyn «Agroónerkásip kesheni salasyndaǵy ekonomıka jáne menedjment», Qyzylorda gýmanıtarlyq ýnıversıtetin «Zańtaný» mamandyqtary boıynsha bitirgen.
Eńbek jolyn Jańaqorǵan aýdany Ózgent aýylynda jumysshy bolyp bastaǵan. 1997-2001 jyldary Qyzylorda qalasy boıynsha salyq komıtetindegi jaýapty laýazymdar atqardy. 2001-2009 jyldary Shıeli aýdany boıynsha Salyq komıteti tóraǵasynyń orynbasary, Jańaqorǵan aýdany boıynsha Salyq komıtetiniń tóraǵasy, Qyzylorda oblysy boıynsha Salyq komıteti tóraǵasynyń orynbasary, 2009-2011 jyldary Shıeli aýdany ákiminiń orynbasary, 2011-2018 jyldary Qyzylorda oblysy boıynsha Tekserý komıssııasynyń tóraǵasy, 2019-2022 jyldary Qyzylorda oblysy Aýyl sharýashylyǵy basqarmasynyń basshysy, 2022-2023 jyldary Qyzylorda oblysy Kásipkerlik jáne ónerkásip basqarmasynyń basshysy, 2023-2025 jyldary Qyzylorda oblysynyń Ekonomıka jáne qarjy basqarmasynyń basshysy laýazymyn atqardy.