2 naýryz. Tulǵalar týǵan kún
Búgin, 2 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
52 jyl buryn (1973) Qyzylorda oblysynyń ekonomıka jáne qarjy basqarmasynyń basshysy Qambarbek Amangeldiuly MÚBARAKOV dúnıege keldi.
Qyzylorda polıtehnıkalyq ınstıtýtyn «Agroónerkásip kesheni salasyndaǵy ekonomıka jáne menedjment», Qyzylorda gýmanıtarlyq ýnıversıtetin «Zańtaný» mamandyqtary boıynsha bitirgen.
Eńbek jolyn Jańaqorǵan aýdany Ózgent aýylynda jumysshy bolyp bastaǵan. 1997-2001 jyldary Qyzylorda qalasy boıynsha salyq komıtetindegi jaýapty laýazymdar atqardy. 2001-2009 jyldary Shıeli aýdany boıynsha Salyq komıteti tóraǵasynyń orynbasary, Jańaqorǵan aýdany boıynsha Salyq komıtetiniń tóraǵasy, Qyzylorda oblysy boıynsha Salyq komıteti tóraǵasynyń orynbasary, 2009-2011 jyldary Shıeli aýdany ákiminiń orynbasary, 2011-2018 jyldary
Qyzylorda oblysy boıynsha Tekserý komıssııasynyń tóraǵasy, 2019-2022 jyldary Qyzylorda oblysy Aýyl sharýashylyǵy basqarmasynyń basshysy, 2022-2023 jyldary Qyzylorda oblysy Kásipkerlik jáne ónerkásip basqarmasynyń basshysy bolyp qyzmet atqardy.
Qazirgi qyzmetin 2023 jyldyń mamyr aıynan beri atqaryp keledi.
51 jyl buryn (1974) Abaı oblysy polıtsııa departamentiniń basshysy Bektóre Jeńisbaıuly SULTAN dúnıege keldi.
Ońtústik Qazaqstan oblysy Túlkibas aýdany Vannovka aýylynda dúnıege kelgen. 1994 jyly QR ІІM Almaty joǵary mektebin bitirgen.
Shymkent qalasynyń polıtsııa bólimi bastyǵynyń orynbasary, Ordabasy aýdandyq ishki ister bóliminiń bastyǵy, Eńbekshi aýdandyq ІІB bastyǵy, qyzmetterin atqarǵan. Soltústik Qazaqstan oblysy ІІD bastyǵynyń orynbasary, Ońtústik Qazaqstan oblysy Іshki ister departamenti bastyǵynyń kadr jumysy jónindegi orynbasary, bastyǵynyń orynbasary, Túrkistan oblysy Іshki ister departamenti bastyǵynyń orynbasary sekildi laýazymdy qyzmetterde istegen. 2019-2022 jyldary Qyzylorda oblysy polıtsııa departamentiniń bastyǵy boldy.
Qazirgi laýazymyn 2022 jyldyń shilde aıynan bastap atqaryp jatyr.
Polıtsııa general-maıory (2022).
49 jyl buryn (1976) Shyǵys Qazaqstan oblystyq Jumyspen qamtý jáne áleýmettik baǵdarlamalardy úılestirý basqarmasynyń basshysy Almıra Áskerhanqyzy MÝSINOVA dúnıege keldi.
Shyǵys Qazaqstan oblysy Katonqaraǵaı aýdany Medvedka aýylynda dúnıege kelgen. S.Amanjolov atyndaǵy ShQÝ-dy «Dúnıejúzi tarıhy» mamandyǵy boıynsha bitirdi.
Eńbek jolyn Jezqazǵan qalasynyń ІІB jeke kúzet batalonynyń serjanty bolyp bastady. 2009-2010 jyldary Óskemen qalasy ákimdiginiń uıymdastyrý-baqylaý jáne kadr jumysy bóliminiń bas mamany, 2010-2011 jyldary atalǵan ákimdikte áleýmettik-saıası jaǵdaıdy taldaý bóliminiń meńgerýshisi, 2011-2013 jyldary Óskemen qalasy ákiminiń áleýmettik blok boıynsha bas ınspektory boldy. 2013-2014 jyldary qala ákiminiń keńesshisi, 2014-2020 jyldary Óskemen qalasy ákimdiginiń uıymdastyrý-ınspektorlyq jumys bóliminiń basshysy laýazymyn atqarǵan. 2020-2021 jyldary Óskemen qalalyq jumyspen qamtý jáne áleýmettik baǵdarlamalar bóliminiń basshysy bolyp eńbek etti.
43 jyl buryn (1982) «Qazaqtelekom» AQ Strategııa jáne syrtqy aktıvterdi basqarý jónindegi bas dırektory Erjan Bolatuly MEIRAMOV dúnıege keldi.
Almaty oblysynda týǵan. 2003 jyly Qazaq gýmanıtarlyq zań ýnıversıtetin zańger mamandyǵymen, 2005 jyly T.Rysqulov atyndaǵy Qazaq ekonomıkalyq ýnıversıtetin ekonomıst mamandyǵymen bitirgen. Londondaǵy Koroldik kolledjde bilim aldy, memlekettik saıasat salasyndaǵy magıstr (2013).
Eńbek joly: 2003-2004 jyldary Qarjy mınıstrligi Zań qyzmeti departamenti quqyqtyq saraptama bólimi mamanynyń m.a., 2004 jyly Qarjy mınıstrligi Zań qyzmeti departamentiniń quqyqtyq saraptama bóliminiń mamany, 2004-2005 jyldary Qarjy mınıstrligi Zań qyzmeti departamenti salalyq zańnama bóliminiń mamany, 2005 jyly Qarjy mınıstrligi Zań qyzmeti departamenti salalyq zańnama bóliminiń jetekshi mamany, 2005-2006 jyldary Qarjy mınıstrligi Zań qyzmeti departamenti salalyq zańnama bóliminiń bas mamany, 2006 jyly Qarjy mınıstrligi Zań qyzmeti departamentiniń salalyq zańnama bóliminiń bastyǵy, 2006-2007 jyldary Qarjy mınıstrligi Zań qyzmeti departamenti Zańnama saraptamasy basqarmasy bastyǵynyń orynbasary bolyp qyzmet atqarǵan. 2007-2008 jyldary Qarjy mınıstrligi Zań qyzmeti departamenti Zańnama saraptamasy basqarmasynyń bastyǵy, 2008-2009 jyldary Qarjy mınıstrligi Zań qyzmeti departamenti dırektorynyń orynbasary, 2009-2010 jyldary Qarjy mınıstrligi Kadr jumysy jáne qujattamalyq qamtamasyz etý departamenti dırektorynyń orynbasary, 2010 jyly Qarjy mınıstrligi Zań qyzmeti departamentiniń dırektory, 2010-2011 jyldary Qarjy mınıstrligi Zań qyzmeti departamenti dırektorynyń orynbasary, 2011 jyly «Qazaqstan Damý Banki» Zań departamenti dırektorynyń orynbasary, 2014-2016 jyldary «Astana EKSPO-2017» Ulttyq kompanııasy» AQ Kommertsııalandyrý jáne ınvestıtsııalardy tartý departamentiniń dırektory, 2016 jyly «BTA Sekıýrıtız» AQ Dırektorlar keńesiniń múshesi, Dırektorlar keńesiniń tóraǵasy, Almaty qalasy, 2016-2017 jyldary «Kazkommertsbank» AQ atqarýshy dırektory, «Kazkommertsbank Tájikstan» JAQ Baqylaý keńesiniń múshesi, 2017 jyly «BTA Sekıýrıtız» AQ basqarma múshesi, basqarma tóraǵasynyń orynbasary, 2017-2019 jyldary «Fınkraft ınvestıtsııalyq úıi» AQ basqarýshy dırektory, 2019-2021 jyldary «Ksell» AQ Quqyqtyq máseleler jáne memlekettik organdarmen jumys departamentiniń dırektory, 2021-2024 jyldary QR Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııalar komıtetiniń tóraǵasy boldy.
87 jyl buryn (1938-2007) Qazaqstannyń halyq ártisi, Qazaqstan men Qyrǵyzstannyń eńbek sińirgen óner qaıratkeri, Memlekettik jáne Jastar syılyqtarynyń, táýelsiz «Tarlan» syılyǵynyń laýreaty, professor Raıymbek Noǵaıbaıuly SEITMET dúnıege keldi.
Túrkistan qalasynda týǵan. Almaty memlekettik óner ınstıtýtyn bitirgen. 1970-1971 jyldary Máskeýdegi Memlekettik teatr óneri ınstıtýty janyndaǵy joǵary rejısserler kýrsynda oqyǵan.
1959-1960 jyldary «Qazaqfılm» kınostýdııasynyń akteri, 1960-1980 jyldary Qazaq memlekettik akademııalyq drama teatrynyń akteri, dırektory, 1980-1982 jyldary Qazaq KSR Mádenıet mınıstrligi Óner isteri basqarmasynyń bastyǵy, 1982-1995 jyldary Qazaq memlekettik akademııalyq jastar men balalar teatrynyń bas rejısseri ári kórkemdik jetekshisi bolyp qyzmet atqardy. 1995 jyldan ómiriniń sońyna deıin ıAsaýı atyndaǵy Halyqaralyq qazaq-túrik ýnıversıtetiniń «Óner» kafedrasyn basqarǵan.
Sahnalyq óner jolynda Áýbákir (Q. Baıseıitov, Q. Shańǵytbaev «Beý, qyzdar-aı»), Arystan, Suńǵat (Q. Muhamedjanov «Bóltirik bórik astynda», «Qudaǵı kelipti»), Qozy (Ǵ. Músirepov «Qozy Kórpesh - Baıan sulý»), Ábish (M. Áýezov, L. Sobolev «Abaı»). Shoqan (S. Muqanov «Shoqan Ýálıhanov»), Jaınaq (Sh. Aıtmatov «Ana - Jer-ana»), Kochkarev (N. Gogol «Úılený»), Lıýchentsıo, Kassıo (Ý. Shekspır «Asaýǵa tusaý», «Otello») sekildi ár alýan rólderdi oınaýda oryndaýshylyq sheberligimen kózge tústi.
Ol rejısserlik qyzmetpen de shuǵyldanyp, Qazaq memlekettik akademııalyq drama teatrynda B. Maılınniń «Neke qııar», Á. Tarazıdiń «Joly bolǵysh jigit», Qazaq memlekettik akademııalyq jastar men balalar teatrynda Áýezovtiń «Alýa», T. Ábdiktiń «Biz úsheý edik», Ǵ. Músirepovtiń «Aqan seri - Aqtoqty», Sh. Murtazanyń «Stalınge hat», «Beseýdiń haty», O.Súleımenov pen B. Muqaıdyń «Zamanaqyr» jáne basqa týyndylardy qoıǵan.