2 myńnan astam sheteldik el aýmaǵynan shyǵaryldy
ASTANA. QazAqparat - Qazaqstanda bolý tártibin buzǵan 2 myńnan astam sheteldik elimizdiń aýmaǵynan shaǵyryldy. QR Іshki ister mınıstrligi elimizdiń aýmaǵynda bastalǵan «Ýchaske» jedel aldyn alý sharasyn qorytyndylady, dep habarlaıdy QazAqparat tilshisi.
Atalǵan vedomstvonyń málimetinshe, shara barysynda ýchaskelik polıtsııa ınspektorlary bekitilgen ákimshilik ýchaskelerdi aralady. «Ýchaske» qorytyndysy boıynsha 9 myńnan astam jalǵa beriletin páterler tekserildi. Mekenjaılarda tirkeýsiz turǵan 37 myńnan astam azamat, sondaı-aq adamdar tirkelip, biraq turaqty turmaıtyn páterlerdiń 1 myńnan astam ıesi ákimshilik jaýapkershelikke tartyldy.
Qazaqstan Respýblıkasynda bolý tártibin buzǵany úshin 20 myńnan astam shetel azamaty anyqtaldy, sol sebepti sottyń sheshimi boıynsha 2 myńnan astam sheteldik elimizdiń aýmaǵynan tys shaǵyryldy. 11 mynnan asa turaqty mekenjaıy joq adamdar ustaldy.
«Zańsyz aınalymnan 521 birlik atys qarýy jáne olardyń 1 myńnan astam oq-dárisi alyndy. 2 myńnan astam qarý ıeleri ony saqtaý erejesin buzýshylyqty joıýǵa deıin ýaqytsha qarý paıdalaný quqyǵynan aıyryldy», - dedi mınıstrlikten.
