2 myńǵa jýyq stýdent elordadaǵy jańa nysandardy salýǵa qatysady
ASTANA. 1 tamyz. QazAqparat - Jaz bastalǵaly Astanada 16-29 jas aralyǵyndaǵy stýdentterdi «Jasyl el» jastardyń qurylys otrıadtarynyń shtabyna jumysqa qabyldaý júrgizilip jatyr,
dep habarlady astana.kz saıtyna Astana qalasy jastar saıasaty basqarmasynan.
Otrıadtyń basty maqsaty - stýdentterdiń materıaldyq jáne áleýmettik máselelerin, jastardy jumyspen qamtý problemalaryn sheshý bolyp tabylady. Vedomstvonyń habarlaýynsha, «bıyldan bastap jalaqy kóterilip, 90-120 000 teńgeni quraıdy».
Qazirgi ýaqytta SQO jumysyna 2 myńǵa jýyq stýdent tartyldy, olar «Bazıs» qurylys kompanııasynda, «QazAtomÓnerkásip» AQ dene shynyqtyrý-saýyqtyrý ortalyǵynda, «Temir beton ónimder» tsehynda, «ABK» qoımasynda jáne kóptegen basqa da nysandarda eńbek etýde. Mysaly, «Hılton» jańa bes juldyzdy qonaqúıdi salýǵa kásibı mamandarmen birge stýdenttik qurylys otrıady ókilderi de atsalysyp jatyr.
«Bıyl qurylys otrıadtarynyń jumysy qarasha aıyna deıin jalǵasady», - delingen aqparatta.
