2 myńǵa jýyq medıtsınalyq áleýmettik qyzmetker kásiptik merekesin atap ótýde
Densaýlyq saqtaý júıesinde áleýmettik-medıtsınalyq jumys bul densaýlyqty qalpyna keltirýge, saqtaýǵa jáne nyǵaıtýǵa baǵyttalǵan medıtsınalyq, psıhologııalyq, pedagogıkalyq jáne áleýmettik-quqyqtyq sıpattaǵy mýltıtártiptik kásiptik qyzmet.
Áleýmettik qyzmetkerdiń basty maqsaty - adamnyń, otbasynyń, qoǵamnyń ál-aýqatyna qamqorlyq jasaý, qalypty áleýmettik qyzmetke jáne múmkindikteri men qabiletterin ashý.
Densaýlyq saqtaý mekemelerindegi áleýmettik qyzmetkerdiń praktıkasy tek dárigerlerdiń dıagnozdaryna ǵana emes, sonymen qatar psıhologııalyq-sotsıologııalyq zertteýlerge, naýqastyń jáne onyń jaqyndarynyń áleýmettik jaǵdaıy men psıhologııalyq jaǵdaıyna, olardyń otbasylaryndaǵy jaǵdaılarǵa da saraptama jasaýǵa negizdelgen.
Medıtsınalyq áleýmettik qyzmetterdiń negizgi problemalary densaýlyq problemalarymen, bala kútimimen, nashaqorlyq pen alkogolızm problemalarymen, jaraqattan keıingi strestiń, jazataıym oqıǵalardyń saldarymen baılanysty.
Áleýmettik qyzmetker onkologııalyq naýqastarǵa, aıyqpas derti bar naýqastarǵa qyzmet kórsetetin statsıonarlarda, travmatologııa bólimshelerinde, qarqyndy terapııa palatalarynda jáne basqalarda taptyrmaıtyn qyzmetker.
Áleýmettik qyzmetker úılestirýshi rólin atqarady: belgili bir adamǵa nemese topqa keshendi medıtsınalyq-áleýmettik qyzmetterdiń kólemin anyqtaý jáne ony júzege asyrýǵa yqpal etý arqyly medıtsına personalynyń jumysyn jeńildetedi.
«Biz barlyq áleýmettik medıtsına qyzmetkerlerimizdi kásiptik merekemen quttyqtaımyz, olardyń eńbegi myńdaǵan patsıentterge aýyrsynýyn jeńildetýge, qoǵamǵa beıimdelýge, jaqyndarymen baılanys ornatýǵa kómektesedi! Sizderge zor rızashylyq bildire otyryp zor densaýlyq, jaqsylyq, muqtaj adamdarǵa kómek kórsetý úshin shydamdylyq pen sáttilik, qajymas qaırat pen kúsh-qýat tileımiz!»,-delingen mınıstrliktiń habarlamasynda.
