2 myńǵa jýyq qazaqstandyq shetelderde sottaldy - QR Bas prokýratýrasy

ASTANA. QazAqparat - Aǵymdaǵy jyldyń 1 tamyzyndaǵy málimetter boıynsha shetelderde sottalǵan qazaqstan azamattary 2 myńǵa jýyqtady. Bul týraly QR Bas prokýratýrasynyń baspasóz qyzmeti habarlady.

Qadaǵalaýshy vedomstvonyń málimetinshe, sottalǵandardyń deni TMD elderinde. «Degenmen alys shetelderde de jazasyn ótep jatqan otandastarymyzdyń sany birshama: máselen, GFR-da 46 adam, Koreıa Respýblıkasynda 22 adam, QHR-da 16 adam jáne t.b.» - delingen habarlamada.

QR ІІM qylmystyq-atqarý júıesi komıtetiniń málimetinshe, atalǵan merzimdegi aqparattar boıynsha, elimizde 1966 shetel azamaty jazasyn óteýde. Olardyń 1912-si TMD azamattary bolsa, 54-i alys shetelderdiki.

Bıyl Qazaqstannyń túzeý mekemelerine jazasyn shetelde ótep júrgen 17 azamat ákelingen. Al qazaqstandyq sottarmen sottalǵan 30-dan astam sheteldik óz elderine jiberilgen.

«Jazasyn óteýshilerdi óz elderine qaıtarý sharty TMD elderi arasyndaǵy Konventsııaǵa sáıkes júrgiziledi. Atalǵan jumys qazirde Reseımen, Qyrǵyzstanmen, Tájikstanmen, Grýzııa jáne Ázirbaıjanmen jaqsy jolǵa qoıylǵan», - dep atap ótti prokýratýrada.

Degenmen, Konventsııaǵa qatysýshy memleketterdiń barlyǵy óz azamattaryn qabyldaýda oń sheshim shyǵara bermeıdi. Onyń sebepteri ártúrli. Máselen, keıbir memleketter jazasyn óteýshiniń el múddesine keri áserin tıgizýi múmkin ekendigin nemese ony asyraýǵa bıýdjetten qarajat bólinbegendigin alǵa tartady.

«Máselen, TMD elderi arasynda Ózbekstan Respýblıkasy atalǵan Konventsııany ratıfıkatsııalaǵan joq, sondyqtan bizde osy eldiń quziretti organdaryna bizdiń eldegi Ózbekstan azamattaryn jazasyn odan ári óz elinde jalǵastyrýy úshin qaıtarýǵa ótinish berý múmkindigi joq», - delingen habarlamada.

Aıta keteıik, shetelde jazasyn ótep jatqan Qazaqstan azamattaryn elimizge ákelýden bas tartý oqıǵalary bolǵan joq.