2 myńǵa jýyq bilim berý grantyn aqyly negizde oqıtyn stýdentter ıelendi
ASTANA. 17 aqpan. QazAqparat - Qazaqstan Respýblıkasy Bilim jáne ǵylym mınıstri B.T.Jumaǵulovtyń tóraǵalyǵymen keshe joǵary bilim alý úderisinde bosaǵan bos bilim berý granttaryn taǵaıyndaý jónindegi Respýblıkalyq konkýrstyq komıssııanyń májilisi ótti.
Atalǵan vedomstvonyń málimetine qaraǵanda, bos bilim berý granttaryn taǵaıyndaý konkýrsyna 90 joǵary oqý ornynan 8160 stýdent qatysty. Olardyń ishinde 9 ulttyq, 34 memlekettik, 12 aktsıonerlik, 35 jekemenshik joǵary oqý oryndary bar.
«Joǵary bilim alý úderisinde bosaǵan bos bilim berý granttary oqytý mamandyqtarynyń bólinisinde konkýrstyq negizde osy mamandyq boıynsha aqyly negizde oqıtyn bilim alýshylarǵa beriledi. Konkýrs stýdenttiń oqý barysyndaǵy oqý úlgerimin eskere otyryp aralyq attestattaýdyń nátıjeleri boıynsha júrgiziledi», - delingen bul málimetterde.
Konkýrstyq komıssııa otyrysynyń qorytyndysy boıynsha 1922 bilim berý granty aqyly negizde oqıtyn stýdentterge taǵaıyndaldy.
