2 myń teńge syıaqysy úshin jarty mıllıonǵa jýyq aıyppul tóleıdi
KÓKShETAÝ. QazAqparat - Aqmola oblysynda «alǵys» úshin 2 myń teńge bergen Shymkent turǵyny jaýapqa tartyldy, dep habarlaıdy QazAqparat tilshisi Aqmola oblysy boıynsha Memlekettik qyzmet isteri jəne jemqorlyq qarsy is-qımyl departamentiniń baspasóz qyzmetine silteme jasap.
Vedomstvonyń məlimeti boıynsha, 2018 jyldyń 28 maýsymynda azamat sot aktisi kúshine engeni týraly belgilengen sot sheshiminiń kóshirmesin alý kezinde Aqmola oblysynyń aýdanaralyq ekonomıkalyq sotynyń bas mamanyna «alǵys» retinde 2 myń teńge bergen.
Aqmola oblysy boıynsha Sot əkimshiligi sottarda ishki qaýipsizdik jəne jemqorlyqty eskertý bólimi sot mamanyna zańsyz syıaqy usynǵan Shymkent qalasynyń turǵynyna qatysty materıaldardy quzyrly organǵa joldady.
Osyǵan oraı, Aqmola oblysy boıynsha memlekettik qyzmet isteri jəne jemqorlyq qarsy is-qımyl departamentiniń qyzmetkerleri QR ƏQbK 676- baby boıynsha hattama toltyryp, sot organynyń qaraýyna joldaǵan.
«2018 jyly 2 qazanda Shymkent qalasynyń mamandandyrylǵan əkimshilik sotynyń qaýlysymen QR ƏQbK 676-baby boıynsha atalmysh azamat kinəli dep tanylyp, 481 000 teńge aıyppul salyndy», dep túsindirdi vedomstvodan.
