2 mlrd teńgege arzandaǵan: Almatyda «Baısat» bazary úshinshi ret satylymǵa shyǵaryldy

ALMATY. KAZINFORM – Qaıtarylǵan aktıvterdi basqarý kompanııasy «Baısat» bazaryn aýktsıonǵa shyǵardy.

Memleket menshigine 2024 jyly alynǵan nysan úshinshi ret satylymǵa shyǵaryldy. Bastapqy baǵasy 28 639 882 000 teńge retinde qoıylǵan alǵashqy aýktsıon 2025 jyldyń 18 qarashasynda ótýi kerek edi. 

Alaıda saýda-sattyq bastalǵan sátte tirkelgen qatysýshylar bolmaǵandyqtan, aýktsıon toqtatyldy. Ekinshi saýda 2025 jyldyń 26 jeltoqsanynda belgilendi. Bul joly nysannyń bastapqy baǵasy 2 mlrd teńgege arzandap, 26 706 317 643 teńge boldy. Alaıda osy joly da aýktsıon satyp alýshy bolmaǵansyn ótpedi. 

Qaıtarylǵan aktıvterdi basqarý kompanııasy kelesi saýda-sattyqty 2026 jyldyń 5 aqpanynda saǵat 12:00-de ótkizýdi josparlap otyr. 

Bul joly da nysan baǵasy aıtarlyqtaı túsken. Bastapqy baǵasynan 4 mlrd teńgege arzandaǵan bazardyń qazirgi quny – 24 772 753 285 teńge. 

Eske salaıyq, Almatyda byltyr qaıtyrylǵan aktıvterdi satýdan 3 mlrd teńge tabys tústi.