2 mlrd teńgeden astam zańsyz tabys tapqan Kizdar.net uıymdastyrýshylary ustaldy
ASTANA. KAZINFORM – Almaty qalasy prokýratýrasynyń úılestirýimen «Kizdar.net» ınternet-resýrsyn uıymdastyrýshylardyń zańsyz qyzmeti toqtatyldy.
Prokýratýranyń málimetinshe, tergeý barysynda atalǵan saıttyń 2011 jyldan beri jarnama ornalastyrý jáne aqyly ıntımdik qyzmet kórsetýdi uıymdastyrý úshin paıdalanylǵany anyqtalǵan.
«Internet-resýrstyń boljamdy uıymdastyrýshylary ustaldy. Olardyń áreketteri Qylmystyq kodekstiń 309-babynyń 2-bóligi boıynsha saralanyp, sot sanktsııasymen qamaýǵa alyndy», – dep habarlady vedomstvo.
Tergeý áreketteri barysynda kúdiktilerdiń turǵylyqty jerlerinde tintý júrgizilip, iri kólemdegi aqsha qarajaty, tsıfrlyq aktıvter, kompıýterlik tehnıka jáne ózge de zattaı dáleldemeler tárkilengen.
Prokýratýranyń aldyn ala deregine sáıkes, kúdiktilerdiń zańsyz qyzmetten tapqan tabysy 2 mlrd teńgeden asqan.
Qazirgi ýaqytta sotqa deıingi tergep-tekserý jalǵasyp jatyr.
Іstiń tergelý barysy Almaty qalasy prokýratýrasynyń erekshe baqylaýyna alynǵan.
Aıta keteıik, Astanada 1500-den astam ınternet-alaıaqtyq faktisi tirkeldi.
