2 mln. turǵynǵa eseptelgen Astananyń jańa josparyna baıqaý jarııalandy
ASTANA. QazAqparat - Astana ákimdigi 2 mln. turǵynǵa eseptelgen elordanyń josparyn ázirleýge halyqaralyq baıqaý jarııalady, dep habarlaıdy QazAqparat.
«Biz 2 mıllıon turǵynǵa eseptelgen Astananyń josparyn ázirleý boıynsha halyqaralyq baıqaýdy júrgizip jatyrmyz»,-dedi qala ákimi Áset Isekeshev «EKSPO-2017» kórmesine daıyndyq barysyna jáne Astanany damytýǵa arnalǵan keńeste.
Onyń sózine qaraǵanda, jańa tujyrymdama qala qurylysyn polıtsentrıstik ustanym boıynsha qarastyrady. Josparlanǵan 7 aýdan bolady, olardyń árqaısysynyń ortalyǵy jasaqtalady.
«Sonymen qatar biz elorda aýmaǵyn ıgerý turǵysynda qadamdardy túbegeıli ózgertýdi usynamyz. Biz shekaralardy aıqyndadyq, osy oraıda 22 myń gektar eskerilgen. 2025 jylǵa deıin ınjenerlik, kóliktik, áleýmettik ınfraqurylym qamtamasyz etiledi. Biz qurylysty tek osy aýmaq ishinde qamtamasyz etýdi usynamyz, osynda 40 mln. (sharshy metr) baspana salyp, 2 mln. turǵyndy ornalastyrý múmkindigi bar»,-dedi ákim.
