2 mln teńge paranyń isi: Prokýror men tergeýshige sot úkimi shyqty
ShYMKENT. QazAqparat - Ońtústik Qazaqstan oblysynda asa iri kólemde para alý barysynda ustalǵan eks-prokýror men eks-tergeýshige sot úkimi shyqty, dep habarlaıdy QazAqparat tilshisi.
Abaı aýdandyq soty oblystyq prokýratýraǵa qarasty arnaıy basqarmanyń burynǵy prokýrory Nııazov pen Abaı aýdandyq polıtsııa bóliminiń burynǵy tergeýshisi Amanqulovty aıypty dep tanydy.
Oblystyq sottyń baspasóz qyzmetinen habarlaǵandaı, tergeý jáne sot otyrysy kezinde aıyptalýshy Nııazovtyń qylmysy tolyǵymen dálelin tapqan. Ol Qylmystyq kodekstiń 24-baby 3-bóligi («Qylmysqa daıyndalý jáne qylmys jasaýǵa oqtalý») jáne 366-babynyń 3-bóligi, 1, 2-tarmaqtary («Para alý») boıynsha kánili dep tanyldy. Sot eks-prokýrordy 4 jylǵa bas bostandyǵynan aıyrý jazasyna kesip, quqyq qorǵaý organdarynda qyzmet atqarý quqyǵynan ómir boıyna aıyrdy. Sonymen qatar múlki tárkilenip, jazany qylmystyq atqarý júıesiniń qaýipsizdigi ortasha mekemesinde óteý belgilendi. Aıyptalýshy sondaı-aq QR Bas prokýrordyń buıryǵymen «Ádilet keńesshisi» synyptyq sheninen de aıyryldy.
Eks-tergeýshi Amanqulov ta aǵa leıtenant sheninen aıyrylyp, 4 jylǵa bas bostandyǵynan aıyryldy. Jazasyn qylmystyq atqarý júıesiniń qaýipsizdigi ortasha mekemesinde óteıtin boldy.
Esterińzge sala keteıik, prokýror men tergeýshi kásipkerden 2 mln teńge kóleminde para alý kezinde Bas prokýratýranyń Іshki tergeý departamentiniń jáne QR Sybaılas jemqorlyqqa qarsy is qımyl bıýrosynyń qyzmetkerlerimen ustalǵan bolatyn. Tergeý barysynda parany salyq tóleýden jaltarǵan JShS basshylyǵyn jaýapqa tartpaý úshin alǵany belgili boldy.
