2 mln-ǵa jýyq ekologııalyq aktsııa: Qazaqstanda eko-volonterlik kúsheıtiledi
ASTANA. KAZINFORM — Qazaqstanda ekologııalyq mádenıetti qalyptastyrýǵa baǵyttalǵan jumystar kúsheıtiledi. 2026 jyldyń basynan beri ekologııalyq aktsııalarǵa 2 mln-ǵa jýyq jas qatysyp, elde 2 myńnan astam jastar is-sharasy ótkizildi. Bul týraly Úkimette ótken keńeste aıtyldy.
Mádenıet jáne aqparat mınıstri Arman Qyryqbaev ekologııalyq mádenıetti qalyptastyrý jónindegi jumystar birneshe baǵyt boıynsha júrgizilip jatqanyn baıandady, olar — aqparattyq súıemeldeý, jastar men eriktilerdi tartý, azamattyq bastamalardy qoldaý jáne qoǵamdyq qatysýdy damytý.
Jyldyń basynan beri ekologııalyq aktsııalarǵa 2 mln-ǵa jýyq jas qatysty, 2 myńnan astam jastar is-sharasy ótkizildi. Memlekettik qoldaýmen ÚEU-nyń 60-qa jýyq áleýmettik jobasy, onyń ishinde 34 ekologııalyq baǵyttaǵy joba júzege asyrylyp jatyr. Búginde 3 qalada mamandandyrylǵan eko-habtar jumys isteıdi: Almaty, Astana jáne Qaraǵandy. Olar azamattardy ekologııalyq kún tártibine jumyldyrýdyń tıimdi quraly retinde áreket etedi. Volonterlik qozǵalysty damytýdyń 2030 jylǵa deıingi tujyrymdamasy jáne ekologııalyq volonterliktiń jeke baǵdarlamasy ázirlenýde. Kúndelikti ekologııalyq ádetterdi dáıekti túrde qalyptastyrý jónindegi jumys kúsheıtiletin bolady.
Jekelegen baǵyt retinde halyqqa kórsetilip jatqan aýqymdy memlekettik qoldaýdy aqparattyq turǵydan jarııa etý jumystary júrgizilýde. Jumysty odan ári kúsheıtý jónindegi sharalar baıandaldy.
Premer-mınıstr áleýmettik qoldaý, medıtsınalyq kómek jáne bilim berý salasyndaǵy keshendi jumys máseleleri halyq arasynda aýqymdy túsindirý jumystaryn júrgizýdi talap etetinin atap ótti. Sonymen qatar qoǵamda joǵary ekologııalyq mádenıetti qalyptastyrý boıynsha nysanaly aqparattyq jumysty uıymdastyrý tapsyryldy.
Buǵan deıin Qazaqstanda tazalyqtyń ulttyq standarty paıda bolatynyn jazdyq.
