2 mıllıon aıyppul salynǵan Ronaldınonyń shotynan 6 eýro ǵana tabyldy
ASTANA. QazAqparat - Brazılııanyń Rıý-Grandı-dý-Sýl shtatynyń prokýratýrasy eki mıllıon eýro aıyppul salynǵan burynǵy fýtbolshy Ronaldınonyń shotynda nebári 24 real ǵana qalǵandyǵyn anyqtaǵan. Bul soma alty eýroǵa teń, dep habarlaıdy Marca.
2015 jyly Ronaldınoǵa aǵasymen birge tyıym salynǵan jerde qoıma jáne balyq aýlaý platformasynyń zańsyz qurylysyn júrgizgeni úshin aıyppul salyndy. Qazirgi kezde aıyppul kólemi 8,5 mıllıonnan astam brazılııalyq realdy (2 mıllıon eýro) qurap otyr.
Ronaldıno men aǵasy aıyppuldy tólemegendikten, sot olardyń tólqujattaryn alyp, shottaryn tekserý sheshimin qabyldady.
