2 maýsymnan bastap «Astana - Shymkent» baǵytynda №79/80 jolaýshylar poıyzy saparǵa shyǵady
ASTANA. QazAqparat - «Jolaýshylar tasymaly» AQ jolaýshylardyń suranysyn qanaǵattandyrý maqsatynda ústimizdegi jyldyń 2 maýsymynan bastap №79/80 «Astana - Shymkent» baǵytyndaǵy jolaýshylar poıyzyn saparǵa attandyratyny jaıly habarlady.
Poıyz «Talgo» vagondarynan quralǵan júrdek vagondardan jasaqtalady.
Ol 22 vagonnan turady, 3- «Bıznes», 3 - «Grand», 12 - «Týrıst», 1 vagon - meıramhana, 1 vagon-bar jáne 2 tehnıkalyq vagon.
Poıyz Qaraǵandy, Saryshaǵan, Shý, Jambyl stansalaryna aıaldaıdy. Astanadan Shymkentke deıingi jol 15 saǵat 35 mınýtty, qaıtar jol 16 saǵat 01 mınýtty quraıdy.
Týyndaǵan suraqtar boıynsha temir jol vokzaldarynyń anyqtamalyqtaryna nemese 105 biregeı anyqtama qyzmetine habarlasýǵa bolady, dep habarlaıdy «Jolaýshylar tasymaly» AQ baspasóz qyzmeti.
