2 maýsymda Qazaqstanda UBT bastalady
ASTANA. QazAqparat - Qazaqstanda ulttyq biryńǵaı testileý 2-15 maýsym aralyǵynda ótedi.
QR Bilim jáne ǵylym mınıstrliginiń derekterine sáıkes 2016 jyly Qazaqstanda mektepti 121 092 oqýshy bitiredi; olardyń 83 330-y qazaq tilinde, 37 762-si - orys tilinde. UBT tapsyrýǵa 86 991 túlek ótinish bildirdi. Bul jalpy sannyń 72 paıyzyn quraıdy. Olardyń ishinde qazaq tilinde - 63 021, orys tilinde - 23 970 túlek tapsyrady.
UBT 166 pýnktte ótedi: onyń 116-sy aýdan ortalyqtarynda, 50-i oblystyq ortalyqtar men Astana men Almaty qalalarynyń JOO ǵımarattarynda ornalasqan. Bir pýnktte testileýden ótetinder sany 1 kúnde 600 túlekti quraıdy.
Bıyl alǵash ret UBT barlyq qatysýshylaryn joǵary bilim alýǵa qoljetimdilikti qamtamasyz etý maqsatynda shekti 50 ball ala almaǵan túlekter úshin 2016 jylǵy tamyzda keshendi testileýde qaıta tapsyrý múmkindigi kózdeldi.
Vedomstvoda habarlaǵandaı, 2004 jyldan bastap 12 jylda UBT-ǵa 1 mln 504 myń túlek qatysty. Bul osy jyldardaǵy túlekterdiń jalpy sanynyń 77,1 paıyzyn quraıdy.
