2 maýsym kúni elordada ótetin mańyzdy sharalar ańdatpasy

ASTANA. QazAqparat – «QazAqparat» halyqaralyq aqparat agenttigi 2 maýsym kúni Astanada ótetin mádenı jáne qoǵamdyq mańyzdy sharalar ańdatpasyn usynady.

9.00-de Wyndham Garden qonaq úıinde QR Ǵylym jáne joǵary bilim mınıstrligi CEENQA-2023 Bas Assambleıasymen birlesip, eseptik kezdesý ótkizedi.

9.30-da Rixos President Astana qonaq úıinde «Carbon Neutrality Pathways» III ECOJER halyqaralyq kongresi ótedi. Jıynnyń basty taqyryby - Qazaqstannyń kómirtegi beıtaraptyǵyna qol jetkizýi jáne klımattyń ózgerýiniń ekonomıkaǵa jáne halyqtyń ómir súrý sapasyna áserin tómendetý.

11.00-de Májiliste AMANAT partııasy fraktsııasynyń keńeıtilgen jınalysy ótedi.

11.00-de Astana qalasy kommýnıkatsııalar qyzmetinde «Elordada keshendi kólik júıesin damytý» taqyrybynda onlaın brıfıng ótedi.

Spıker: «Astana bas jospary» ǵylymı-zertteý jobalaý ınstıtýty dırektorynyń orynbasary Serik Ábdirahmanov.

Onlaın baspasóz konferentsııasy Astana qalasy kommýnıkatsııalar qyzmetiniń Facebook jáne Instagram paraqshalarynda tikeleı efırde ótedi.

11.00-de E. Rahmadıev atyndaǵy Memlekettik akademııalyq fılarmonıasynda Qazaqstan patrıottarynyń respýblıkalyq forýmy ótedi.

11.00-deRoza Baǵlanova atyndaǵy «Qazaqkontsert» memlekettik kontserttik uıymy «Balalar fılarmonııasy» jobasy aıasynda jas kórermenderdi horeografııalyq óner boıynsha «Dala zamanaýy bıi» atty sheberlik sabaǵyna shaqyrady.

12.00-de QR Prezıdenti janyndaǵy ortalyq kommýnıkatsııalar qyzmetinde «Mańǵystaý oblysynyń áleýmettik-ekonomıkalyq damýy týraly» baspasóz máslıhaty ótedi.

Spıker: Mańǵystaý oblysynyń ákimi Nurlan Asqaruly Noǵaev.

Kórsetilim siltemeleri: youtube, facebook.

12.45-deRixos President Astana qonaq úıinde EO – Qazaqstan І turaqty energetıka kúni aıasynda «Qazaqstandaǵy turaqty energetıka: perspektıvalar men syn-qaterler» atty halyqaralyq konferentsııa uıymdastyrylady.

16.00-de Astana qalasy máslıhaty «Qoljetimdi jáne jaıly qoǵamdyq dárethanalar – elordanyń mádenı bet-beınesi» baǵdarlamasyn iske asyrý boıynsha júrgizilip jatqan jumys týraly jarııa tyńdaý ótkizedi.

16.30-da «Syǵanaq» bıznes ortalyǵynda «ERDO» AQ alańynda BAQ ókilderi úshin QR Eńbek jáne halyqty áleýmettik qorǵaý vıtse-mınıstri Nazgúl Saǵyndyqovanyń qatysýymen «Balaly otbasylar men múgedekterdi áleýmettik qoldaý», «QR Áleýmettik kodeksiniń novellalary: halyqty zeınetaqymen qamtamasyz etý» taqyryptarynda semınar ótedi.

19.00-de Hilton Astana qonaq úıinde «Astana Mining & Metallurgy» (AMM) aıasynda «Altyn Gefest» jyl saıynǵy konkýrsy ótedi.

19.00-de Jas kórermenderdiń mýzykalyq teatrynda «Gaýhartas» mýzykalyq dramasy kórsetiledi.