2 mamyr kúngi aýa raıy boljamy
NUR-SULTAN. QazAqparat – 2 mamyr kúni Qazaqstannyń basym bóliginde jaýyn-shashynsyz aýa raıy kútiledi. Batysta atmosferalyq frontaldy bólikterdiń ótýine baılanysty keı jerlerde jańbyr, naızaǵaı kútiledi. Túnde shyǵysta jańbyr men qar túrinde jaýyn-shashyn bolady. Respýblıkanyń keı jerlerinde tuman saqtalady, jel kúsheıedi. Ońtústikte shańdy daýyl turyp, jel soǵady, dep habarlaıdy QazAqparat.
«Qazgıdromet» RMK málimetinshe, Soltústik Qazaqstan oblysynda jeldiń kúshi túnde keı jerlerde 15-20 m/s, kúndiz 23-28 m/s deıin artýy múmkin. Túnde jáne tańerteń tuman bolýy yqtımal.
Qyzylorda oblysynyń keı jerlerinde jeldiń ekpini kúndiz 23-28 m/s jetedi. Shańdy daýyl turady.
Jambyl oblysynyń keı jerlerinde jeldiń jyldamdyǵy 23-28 m/s kúsheıedi.
Túrkistan oblysynyń keı jerlerinde jel 15-20 m/s artady. Shańdy daýyl soǵady.
Shyǵys Qazaqstan, kúndiz Almaty oblystarynyń keı jerlerinde jel 15-20 m/s kúsheıedi. Túnde jáne tańerteń tuman kútiledi.
Aqmola, Pavlodar, Qaraǵandy, kúndiz Qostanaı, Batys Qazaqstan oblystarynyń keı jerlerinde jel 15-20 m/s artady. Batys Qazaqstan oblysynyń keı jerlerinde naızaǵaı soǵady.
Túnde Aqmola, Pavlodar, Qaraǵandy oblystarynyń keı jerlerinde 3 gradýsqa deıin úsik júredi.
