2 mamyr. Tulǵalar týǵan kún
Búgin, 2 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1964) Halyqaralyq túrki mádenıeti men murasy qorynyń prezıdenti Aqtoty Rahmetollaqyzy RAIYMQULOVA dúnıege keldi.
1987 jyly Qurmanǵazy atyndaǵy Almaty memlekettik konservatorııasyn «kompozıtsııa» jáne «fortepıano» mamandyqtary boıynsha, 1994 jyly «kompozıtsııa» mamandyǵynyń assıstentýrasyn bitirdi. Sonymen qatar 2007 jyly Halyqaralyq Bıznes akademııasynyń «Menedjment» mamandyǵynyń magıstratýrasyn támamdaǵan. DBA (Doctor of Business Administration) ǵylymı ataǵynyń ıegeri.
Eńbek joly: 1990-1991 jyldary Qazaq memlekettik qyzdar pedagogıkalyq ınstıtýtynyń oqytýshysy, Qurmanǵazy atyndaǵy Almaty memlekettik konservatorııasynyń oqytýshysy, 1991-1994 jyldary Qurmanǵazy atyndaǵy Almaty memlekettik konservatorııasynda assıstentýra-stajer, 1995-2011 jyldary Qurmanǵazy atyndaǵy Almaty Memlekettik konservatorııasynda «Dırıjerlaý» kafedrasynyń meńgerýshisi, oqytýshy, rektor kómekshisi, dotsent, professor m. a., áleýmettik-ekonomıkany uıymdastyrý jónindegi prorektory, 2003-2007 jyldary Almaty memlekettik konservatorııasynda «Kompozıtsııa jáne orkestrlik dırıjerlaý» kafedrasynyń meńgerýshisi (qosymsha), 2007-2008 jyldary Almaty Memlekettik konservatorııasynda «Kompozıtor jáne art-menedjment» kafedrasynyń meńgerýshisi (qosymsha), 2013-2014 jyldary Qurmanǵazy atyndaǵy Almaty Memlekettik konservatorııasynda Ǵylymı-shyǵarmashylyq isteri jónindegi prorektory boldy. 2014 jyly QR Mádenıet jáne sport mınıstrligi Mádenıet jáne óner isteri komıteti tóraǵasy orynbasarynyń m.a, 2014-2016 jyldary QR Mádenıet jáne sport mınıstrligi Mádenıet jáne óner isteri departamentiniń dırektory, 2016-2019 jyldary QR Mádenıet jáne sport vıtse-mınıstri, 2019-2022 jyldary QR Mádenıet jáne sport mınıstri, 2022-2023 jyldary Roza Baǵlanova atyndaǵy Qazaqkontsert memlekettik kontserttik uıymynyń dırektory boldy.
2023 jyldyń qarasha aıynan bastap qazirgi qyzmetinde.
60 jyl buryn (1965) Qazaqstan Respýblıkasy Premer-mınıstriniń orynbasary Ermek Bedelbaıuly KÓShERBAEV dúnıege keldi.
Almaty qalasynda týǵan. 1988 jyly C.Kırov atyndaǵy Qazaq Ulttyq ýnıversıtetin shet tilinde oqytatyn tarıhshy mamandyǵy boıynsha bitirdi. 1993 jyly KSRO Dıplomatııalyq akademııasyn halyqaralyq qatynastar jáne syrtqy saıasat mamandyǵy boıynsha aıaqtady.
Eńbek joly: 1988-1991 jyldary QazKSR Syrtqy ister mınıstrliginiń qupııa is qaǵazdaryn júrgizý boıynsha aǵa ınspektory, ekinshi hatshysy, birinshi hatshysy, Syrtqy ister mınıstriniń kómekshisi, 1993-1994 jyldary QR Syrtqy ister mınıstrliginiń Memlekettik protokol basqarmasynyń birinshi hatshysy, bólim meńgerýshisi, 1994-1996 jyldary QR Prezıdenti Apparatynyń Halyqaralyq bóliminiń konsýltanty, Prezıdent Apparaty Protokol qyzmeti basshysynyń mindetin atqarýshy, 1996-1997 jyldary Qazaqstan Respýblıkasynyń Shveıtsarııa Konfederatsııasyndaǵy Elshiliginiń birinshi hatshysy, 1997 jyly QR Syrtqy ister mınıstirliginiń Kópjaqty yntymaqtastyq departamentiniń Azııalyq qaýipsizdik bólimniń basshysy, 2000-2001 jyldary «QazTransOıl UK» JAQ-nyń prezıdent apparatynyń basshysy qyzmetin atqarǵan. 2001-2003 jyldary apparat basshysy, birinshi vıtse-prezıdent keńesshisi, «QazMunaıGaz UK» JAQ prezıdent apparatynyń basshysy, 2004-2005 jyldary «QazMunaıGaz UK» prezıdentiniń apparat basshysy, 2006-2007 jyldary «Otan Respýblıkalyq saıası partııasy» qoǵamdyq birlestiginiń ortalyq apparat basshysy, 2007-2008 jyldary «KazEnergy Qazaqstandyq munaıgaz jáne energetıkalyq uıymdar qaýymdastyǵy» zańdy tulǵalar birlestiginiń atqarýshy dırektory, 2009-2010 jyldary «Ertis áleýmettik-kásipkerlik korporatsııasy» Ulttyq kompanııasynyń basqarma tóraǵasy, 2010-2014 jyldary ShQO ákiminiń birinshi orynbasary, 2014-2016 jyldary QR Aýyl sharýashylyǵy vıtse-mınıstri, 2016-2018 jyldary Aýyl sharýashylyǵy mınıstrliginiń jaýapty hatshysy, 2018-2019 jyldary QR Syrtqy ister mınıstrliginiń jaýapty hatshysy bolǵan. 2019-2020 jyldary QR Syrtqy ister mınıstriniń orynbasary, 2020-2023 jyldary Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi, 2023-2025 jyldary Shyǵys Qazaqstan oblysynyń ákimi laýazymyn atqardy.
2025 jyldyń aqpan aıynan bastap qazirgi qyzmetinde.
56 jyl buryn (1969) Almaty oblysy polıtsııa departamentiniń bastyǵy Meıram Jumkenuly ÁBІKEEV dúnıege keldi.
Qaraǵandy oblysy, Nura aýdanynda týǵan. 1994 jyly QR Іshki ister mınıstrliginiń Qaraǵandy joǵary mektebin «quqyqtaný» mamandyǵy boıynsha, keıin ІІM Qaraǵandy zań ınstıtýtyn «Quqyq qorǵaý qyzmeti» mamandyǵy boıynsha bitirgen. Quqyq magıstri (2006).
Eńbek joly: 1989-1990 jyldary Qaraǵandy qalasy Kırov aýdandyq atqarý komıteti ІІB mılıtsııanyń motorly vzvodynyń mılıtsııa qyzmetkeri, 1994-2002 jyldary Qaraǵandy oblysy bólimshelerinde tergeýshi, jedel kezekshi, jedel ýákil, aǵa jedel ýákil bolyp jumys istegen. 2002-2012 jyldary Aqmola oblysy Kóliktegi ІІB, ІІD bólimshelerinde basshylyq laýazymdar atqardy. 2012-2014 jyldary QR Ekonomıkalyq qylmysqa jáne sybaılas jemqorlyqqa qarsy kúres (qarjy polıtsııasy) agenttiginiń Pavlodar oblysy, Qostanaı oblysy boıynsha departamentterinde, 2014-2020 jyldary QR Іshki ister mınıstrligi Esirtki bıznesine qarsy kúres jáne esirtki aınalymyn baqylaý departamentinde, Jambyl jáne Aqtóbe oblystarynyń ishki ister departamentterinde, 2020-2022 jyldary QR ІІM QAJK bólimshelerinde basshylyq laýazymdar atqarǵan. 2022-2024 jyldary Almaty oblysy PD bastyǵynyń birinshi orynbasary, 2024 jyly Soltústik Qazaqstan oblysy polıtsııa departamenti bastyǵynyń orynbasary qyzmetin atqardy.
Qazirgi qyzmetinde 2024 jyldyń qazan aıynan beri.
46 jyl buryn (1979) QR Parlamenti Májilisi Apparaty basshysynyń orynbasary Bolat Serikuly QALıANBEKOV dúnıege keldi.
E. Bóketov atyndaǵy Qaraǵandy memlekettik ýnıversıtetin «Saıasattaný» mamandyǵy boıynsha jáne Qaraǵandy ekonomıkalyq ýnıversıtetin «quqyqtaný-ekonomıka salasyndaǵy quqyqtyq retteý» mamandyǵy boıynsha támamdaǵan.
Kóp jyldar boıy Mádenıet jáne aqparat mınıstrliginde bólim bastyǵy, Aqparat jáne muraǵat komıtetiniń tóraǵasy qyzmetin atqarǵan.
Prezıdent Ákimshiliginiń ishki saıasat bóliminde ınspektor jáne sektor meńgerýshisi boldy. Qaraǵandy qalasyndaǵy Іshki saıasat departamenti jáne Aqparat basqarmasynda qyzmet atqardy.
Sondaı-aq, Qaraǵandy oblysy Saran qalasynyń ákimdiginde jastar saıasaty máselelerimen de aınalysty. 2014-2019 jyldary QR Joǵarǵy soty janyndaǵy sot qyzmetin qamtamasyz etý departamenti aqparattyq qamsyzdandyrý bóliminiń meńgerýshisi boldy. 2019 jyly «Almaty» telearnasynyń bas dırektory, 2019-2022 jyldary Nur Media holdınginiń bas dırektory qyzmetin atqardy.
2022 jyldyń aqpan aıynan bastap qazirgi qyzmetinde.