2 kúnde 10 myńnan astam mektep túlekteri UBT-dan shekti deńgeıge jete almady
ASTANA. QazAqparat - 2-3 maýsym kúnderi Ulttyq biryńǵaı testileýde 10 myńnan astam mektep túlekteri shekti deńgeıge jete almady, dep habarlady Ulttyq testileý ortalyǵy (UTO).
UTO aqparaty boıynsha 2-3 maýsym kúnderi testileýge 43498 túlek qatysty, onyń 30958-i qazaq tilinde oqıtyndar, 12540-y - orys tilinde oqıtyndar. 2 kúnde 2 túlek: Halyqaralyq bilim korporatsııasy (Almaty) bazasynda test tapsyrǵan №178 lıtseı túlegi Aıǵanym Ábdijapar men Abaı atyndaǵy Qazaq ulttyq pedagogıkalyq ýnıversıtetiniń bazasynda testi tapsyrǵan Y.Altynsarın atyndaǵy №159 gımnazııa túlegi Ásııa Marat eń joǵary - 125 ball ball jınady.
UTO-dan habarlaǵandaı, 2 maýsym kúni 6229 túlek, al 3 maýsym kúni - 3883 túlek shekti deńgeıdi eńsere almady. Bul UBT tapsyrǵandardyń jalpy sanynyń 23,25 paıyzy. Testileýdiń 2 kúni ishinde 2 522 testi tapsyrýshy pánderdiń birinen qanaǵattanǵysyz baǵa aldy.
