2 kún ishinde izdeýde júrgen 17 qylmysker ustaldy
ASTANA. QazAqparat - Táýelsiz Memleketter Dostastyǵy elderiniń ІІM-i qol jetkizgen kelisimine sáıkes, tergeýden, anyqtaý men sottan jasyrynyp júrgen qylmyskerlerdi, habarsyz joǵalyp ketken azamattardy izdestirý, kim ekeni belgisiz máıitterdi anyqtaý jumystaryn jandandyrý maqsatynda aǵymdaǵy jyldyń 11-12 naýryzy kúnderi QR ІІM Kóliktegi ІІD qyzmet kórsetý aýmaǵynda «Іzdestirý» jedel-aldyn alý sharasy ótti.
Bul týraly Kóliktegi ІІD baspasóz qyzmeti habarlady.
«Jedel-aldyn alý sharasy barysynda habarsyz ketken 3 azamattyń turǵylyqty meken-jaıy anyqtaldy, izdeýde júrgen 17 qylmysker ustaldy. Onyń 4-eýine TMD elderiniń ishki ister organdary izdeý salǵan», - dedi QR ІІM KІІD krımınaldyq polıtsııa basqarmasynyń bastyǵy Dáýlet Maqsutov.
Onyń aıtýynsha, TMD elderinde QR aýmaǵynda qylmys jasaǵan 2 qylmysker anyqtalyp, ustalǵan. Onyń bireýi Qyrǵyzstan azamaty. Sonymen qatar 2 máıittiń jeke málimetteri anyqtaldy.
Máselen, jedel-aldyn alý sharasy barysynda Aqtóbe stantsııasyndaǵy ishki ister jelilik bóliminiń qyzmetkerleri 2000 jyldan beri memleketaralyq izdestirilýde júrgen 57 jastaǵy azamatty ustady.
Barlyq habarsyz joǵalyp ketken azamattar men ustalǵan qylmyskerler týraly aqparat izdeýge bastamashy bolǵan organdarǵa habarlandy. Іshinara keıbireýlerine bultartpaý sharasy qoldanyldy.
