2 qazan. Týǵan kún ıeleri
ESІMDER
95 jyl buryn (1923-1986) jazýshy, qazaq ádebıetinde shyrǵalań oqıǵaly detektıv janrynyń negizin qalaýshy, TOQAEV Kemel dúnıege keldi.
Almaty oblysynda týǵan. Qazaq memlekettik ýnıversıtetin bitirgen. 1948-1984 jyldary Jambyl oblystyq gazetinde qyzmetker, «Lenınshil jas» (qazirgi «Jas alash»), «Sotsıalıstik Qazaqstan» (qazirgi «Egemen Qazaqstan») gazetterinde jaýapty hatshy, «Qazaqstan pıoneri» (qazirgi «Ulan») gazetinde redaktor, Qazaq KSR Joǵarǵy Keńesi vedomstvolarynyń bas redaktory, Qazaqstan Jazýshylar odaǵynda ádebı keńesshi qyzmetterin atqarǵan. Soǵys taqyryby men qazaqtyń quqyq qorǵaý organdary qyzmetkerleri ómirine arnalǵan «Tasqyn», «Bolashaq týraly oılar», «Kómeski iz», «Túnde atylǵan oq», «Tańbaly altyn», «Juldyzdy joryq» atty povester jınaqtary, «Sońǵy soqqy», «Soldat soǵysqa ketti», «Uıasynan bezgen qus» romandary jaryq kórgen. Sonymen qatar «Qys qarlyǵashy», «Arnaýly tapsyrma», «Sarǵabanda bolǵan oqıǵa», «Shoq Juldyz» shyǵarmalarynyń avtory. Toqaev - detektıv janrynda «Qyzyl komıssar», «Qylmysker kim?», «Sıqyrly syrlar» atty pesalar jazǵan. Birqatar shyǵarmalary shetel tilderine aýdarylǵan.
Ekinshi dúnıejúzilik soǵys ardageri, І, ІІ dárejeli «Otan soǵysy» ordenderimen, birneshe medaldarmen marapattalǵan.
92 jyl buryn (1926-1983) kınorejısser, Qazaq KSR eńbek sińirgen óner qaıratkeri QARSAQBAEV Abdolla dúnıege keldi.
Almaty oblysynyń Jambyl aýdanynda týǵan. Máskeý qalasyndaǵy memlekettik kınematografııa ınstıtýtyn bitirgen. 1947-1983 jyldary «Qazaqfılm» stýdııasynda rejısser bolyp «Ana men bala», «Eger bizdiń bárimiz de...», «Qanatty syılyq», «Botagóz» atty kórkem fılmderdi túsirýge qatysty. Tarıhı taqyrypqa «Qıly kezeń», «Daladaǵy qýǵyn» sekildi fılmderdi, «Meniń atym Qoja», «Balalyq shaqqa saıahat», «Meniń aǵam», «Qataryńnan qalma», «Oý, kovboılar», «Alty jasar Alpamys», «Balalyq shaqtyń kermek dámi» kórkem fılmderin, sonymen qatar «Qazaq halqynyń qolóneri», «Torǵaı sheti», «Cherkassk qorǵany», «Aqtóbe», t.b. derekti fılmder qoıǵan.
74 jyl buryn (1944) basketbolshy, KSRO-nyń eńbek sińirgen sport sheberi, qazaqtan shyqqan túńǵysh Olımpıada chempıony JARMUHAMEDOV Áljan Músirbekuly dúnıege keldi.
Ońtústik Qazaqstan oblysy Shyrshyq aýdany Tabaqsaý aýylynda týǵan. 1970-1974 jáne 1976-1980 jyldar aralyǵynda KSRO-nyń, 1972 jyly Mıýnhendegi (Germanııa), 1980 jyly Máskeýdegi (KSRO) Olımpıada oıyndarynyń, 1967, 1971 jáne 1979 jyldary Eýropa chempıony.
«Qurmet belgisi» ordenimen marapattalǵan.
63 jyl buryn (1955) keskindemeshi, Qazakstannyń eńbek sińirgen óner qaıratkeri, (1990) Qyrǵyzstannyń jáne Reseı (2001) kórkemsýret akademııasynyń tolyq múshesi TÓLEPBAI Erbolat dúnıege keldi.
Ońtústik Qazaqstan oblysynyń burynǵy Lenger aýdanyndaǵy Qasqasý aýylynda týǵan. 1973 jyly Qazaq ulttyq pedagogıka ınstıtýtynyń kórkem-grafıkalyq fakýltetin bitirdi. "Mańǵystaý kúndeligi" (1978), "Sýretshiniń jastyq shaǵy" (1980), "Sanagúl", "Jazǵy jaılaýdan oralýy (ekeýi de 1981), 1941 jyldyń habary", "Túrksib" (ekeýi de 1982), "Jazýshy Sh.Aıtmatov" (1983), "Súgir" (1986), "Dúısen jáne Marııa", "Jibek joly", "Ekeýi" (1990) t.b. keskindemelik eńbekteri ótken ómir men búgingi kúnniń rýhanı ózara baılanysyn ǵajaıyp ulttyk dúnıetanym turǵysynan tanytady. 1974 jyldan burynǵy Keńes odaǵy jáne halyqaralyq kórmelerge, sonyń qatarynda AQSh, Belgııa, Germanııa, Italııa, Qytaı, Úndistan, Frantsııa t.b. elderde úıymdastyrylǵan kórmelerge óz kartınalarymen udaıy qatysyp keledi. Keskindemeshiniń týyndylary Qazaqstan Memlekettik óner mýzeıinde jáne Reseı mýzeılerinde, TMD, Azııa, Amerıka men Eýropadaǵy jekemenshik kollektsııalar qorynda saqtaýly. Qazaqstan Memlekettik syılyǵynyń ıegeri (2004).
57 jyl buryn (1961) Pavlodar oblystyq sotynyń tóraǵasy SMAǴULOV Muhtar Kerimqululy dúnıege keldi.
Almaty oblysynyń Іle aýdanyndaǵy Nıkolaevka aýylynda týǵan. 1992 jyly ál-Farabı atyndaǵy Qazaq memlekettik ýnıversıtetin bitirgen, zańger.
1981 jyldan sot júıesinde qyzmet isteıdi. Eńbek jolyn Almaty qalasyndaǵy Kalının aýdandyq sotynyń sot májilisiniń hatshylyǵynan bastap, keıin sot oryndaýshysy, zań keńesshisi bolǵan. 1991-1993 jyldary Qazaqstan Respýblıkasy Ádilet Mınıstrliginiń sot organdary basqarmasynda zań keńesshisi, 1993-1994 jyldary Qazaqstan Respýblıkasy Joǵarǵy tórelik sotynyń kadr bóliminiń aǵa zań keńesshisi, Almaty qalalyq tórelik sotynyń memlekettik tóreshisi, sýdıasy. 1994-1995 jyldary Almaty qalalyq sotynyń sýdıasy, 1996-2002 jyldary Almaty qalalyq sotynyń sharýashylyq ister jónindegi alqasynyń tóraǵasy bolǵan. 2002 jylǵy aqpan aıynan 2007 jylǵy 26 naýryzǵa deıin Mańǵystaý oblystyq sotynyń tóraǵasy, 2007 jyldyń naýryz aıynan 2011 jyldyń qarashasyna deıin Batys Qazaqstan oblystyq sotynyń tóraǵasy boldy. Qazaqstan Respýblıkasy Prezıdentiniń 2011 jylǵy 25 qarashadaǵy №183 Jarlyǵymen Atyraý oblystyq sotynyń tóraǵasy bolyp taǵaıyndaldy. Qazirgi qyzmetinde - 2015 jyldyń aqpan aıynan bastap.
Qazaqstan Respýblıkasy Sýdıalar Odaǵynyń «Úsh bı» qurmet belgisimen jáne «Qurmet» ordenimen, «Qazaqstan Respýblıkasynyń Konstıtýtsııasyna 10 jyl», «Qazaqstan Respýblıkasynyń Táýelsizdigine 20 jyl» medaldarymen marapattalǵan.
55 jyl buryn (1963) QR Qarýly kúshteriniń Jaıaý áskeri bas qolbasshysynyń birinshi orynbasary - bas shtab bastyǵy QOIBAQOV Talǵat Mamyrtaıuly dúnıege keldi.
Jambyl oblysy, Shý aýdany,Tana aýylynda týǵan, general-maıor. (2009). Almaty joǵary jalpy áskerı komandalyq ýchılışesin (1985), QR QK Áskerı akademııasyn (2002), RF Bas shtab Áskerı akademııasyn (2011) bitirgen. Ońtústik áskerler toby 20624 áskerı bólimi barlaý vzvodynyń, Túrkistan ÁO 83328 áskerı bólimi tártip vzvodynyń, Respýblıkalyq Ulannyń rota komandıri, batalon komandıriniń orynbasary, jeke batalon, saltanat batalony, polk komandıri, áskerı qyzmetiniń bastyǵy (1989-2000), motoatqyshtar dıvızııasy komandıriniń orynbasary, jeke gvardııalyq desant-shabýyl brıgadasynyń komandıri, motoatqyshtar dıvızııasynyń komandıri, QR QM ShBK jedel josparlaý departamenti basqarmasy bastyǵynyń orynbasary, «Astana» óńirlik qolbasshylyǵy áskerı qolbasshysynyń orynbasary - Shtab bastyǵy, «Ońtústik» óńirlik áskerı qolbasshysynyń birinshi orynbasary - shtab bastyǵy, birinshi orynbasary, RF QK Bas shtab akademııasynyń tyńdaýshysy (2000-2001), 2001 jyldyń shildesinen QR QM áskerı daıyndyq jáne áskerı kyzmet departamentiniń bastyǵy. 2012-2016 jyldary QR Qarýly kúshteriniń «Ońtústik» aımaqtyq qolbasshylyǵy áskerleri qolbasshysy. 2016-2017 jyldary - QR Qarýly kúshteriniń Jaıaý áskeri bas qolbasshysynyń orynbasary. Qazirgi qyzmetinde 2017 jyldan. ІІ dárejeli «Dańq» ordenimen jáne medaldarmen marapattalǵan.
44 jyl buryn (1974) Batys Qazaqstan oblysy ákiminiń orynbasary AZBAEV Baǵdat Orazaldyuly dúnıege kelgen.
Ol Almaty oblysynda týǵan. Qazaq agrarlyq ýnıversıtetin (orman sharýashylyǵy ınjeneri) (1997), Qazaq ekonomıka, qarjy jáne halyqaralyq saýda ýnıversıtetin (ekonomıka jáne bıznes bakalavry) (2010) bitirgen.
Eńbek jolyn 1997-2001 jyldary Almaty oblysy, Úıgentas aýdanynda «Avtotehobslýjıvanıe» JShS-da mehanık, bas ınjener qyzmetterinen bastaǵan. 2001-2013 jyldary «Astana - kógaldandyrý qurylysy» AQ sheber, prorab, bas dırektordyń birinshi orynbasary, keıin «Astana-Ormany» MKK dırektory; 2013-2014 jyldary QR Qorshaǵan ortany jáne sý resýrstaryn qorǵaý mınıstrliginiń orman jáne ańshylyq sharýashylyǵy komıtetiniń tóraǵasy bolyp istegen; 2014-2015 jyldary QR Aýyl sharýashylyǵy mınıstrligi orman sharýashylyǵy jáne janýarlar dúnıesi komıtetiniń tóraǵasy.
«Eren eńbegi úshin», «Qazaqstan Respýblıkasynyń táýelsizdigine 20 jyl» medaldarymen nagradtalǵan.
Qazirgi laýazymyn 2016 jyldyń maýsymynan beri atqaryp keledi.
149 jyl buryn (1869-1948) Úndistan ult-azattyq qozǵalysy basshylarynyń biri jáne ıdeology Mohandas Karamchand GANDI (Mahatma GANDI) dúnıege keldi.
67 jyl buryn (1951) tanymal aǵylshyn ánshisi, kompozıtor STING (shyn aty-jóni Gordon Mettıý) dúnıege keldi.