2 qarasha. Kazinform kúntizbesi. Tulǵalar týǵan kún

Dýlat QUSDÁÝLETOV, Qazaqstannyń memleket qaıratkeri 

1952 jyly Aqmola oblysynda dúnıege kelgen. Máskeý zań ınstıtýtyn 1992 jyly zańger mamandyǵy boıynsha bitirgen.

Eńbek joly: 1975-1978 jyldary komsomol jumysynda qyzmet etti. 1978-1983 jyldary Tselınograd qalalyq atqarý komıteti tóraǵasynyń kómekshisi, 1983-1987 jyldary partııa aýdandyq komıtetiniń nusqaýshysy, 1987-1994 jyldary oblystyq atqarý komıteti men oblys ákimshiligi bólimderi meńgerýshileriniń orynbasary boldy. 1994-1995 jyldary Aqmola oblystyq tórelik sotynyń sýdıasy, 1995-1996 jyldary Aqmola oblystyq ádilet basqarmasynyń bas mamany, 1996-1997 jyldary Aqmola kólik prokýrory, 1997-1999 jyldary Aqmola tabıǵat qorǵaý prokýrory, 1999-2000 jyldary Aqmola oblysy prokýratýrasy bóliminiń meńgerýshisi qyzmetin atqardy. 2000-2005 jyldary Qazaqstan Respýblıkasy Bas prokýratýrasynyń memlekettik organdar qyzmetindegi zańdylyqty qadaǵalaý departamentinde aǵa prokýror, departament bastyǵynyń orynbasary, ekonomıka salasyndaǵy zańdylyqty qadaǵalaý basqarmasynyń bastyǵy qyzmetterin atqarǵan. 2005-2013 jyldary Qazaqstan Respýblıkasy Ádilet vıtse-mınıstri bolǵan. 2013-2019 jyldary Qazaqstan Respýblıkasy Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi bolǵan. Qazaqstan Respýblıkasy Parlamenti Senaty janyndaǵy Senatorlar keńesiniń múshesi.

2006 jyly «Qurmet» ordenimen jáne medaldarmen marapattalǵan.

Eldar ÁBDІRAZAQOV, Centras Group negizin qalaýshy

1972 jyly dúnıege kelgen. 1995 jyly Qoja Ahmet ıAsaýı atyndaǵy Halyqaralyq qazaq-túrik ýnıversıtetin halyqaralyq ekonomıkalyq qatynastar mamandyǵy boıynsha bitirgen. 1996 jyly osy ýnıversıtette atalǵan mamandyq boıynsha ǵylym magıstri dárejesin alǵan. 2010 jyly AQSh-taǵy Garvard bıznes mektebiniń basshylarǵa arnalǵan baǵdarlamasyn aıaqtaǵan.

Eńbek joly: 1995-1998 jyldary «Qazkommertsbank» AQ-da qyzmet etti. 1998-2002 jyldary «Qazkommertsbank» AAQ ınvestıtsııalyq bankıng departamentiniń dırektory, basqarýshy dırektory, 2002 jylǵy shilde men 2004 jylǵy mamyr aralyǵynda «Kazkommerts Securities» AAQ bas dırektory boldy. 2004-2007 jyldary «Sentras Sekıýrıtız» AQ bas dırektory, 2004 jyly «Sentras Kapıtal» JShS bas dırektory, 2010 jylǵy shildede «Kommesk-Ómir» saqtandyrý kompanııasy» AQ dırektorlar keńesiniń tóraǵasy qyzmetin atqardy. 2012 jyly «Qazaqstan qor bırjasy» AQ dırektorlar keńesiniń múshesi, 2019-2021 jyldary «ForteBank» AQ táýelsiz dırektory, 2021-2024 jyldary dırektorlar keńesiniń tóraǵasy, «Qazaqstan qor bırjasy» AQ men «Eır Astana» AQ dırektorlar keńesteriniń táýelsiz dırektory boldy.

«Qurmet» ordenimen marapattalǵan.

Almaz YDYRYSOV, Ulytaý oblysy ákiminiń birinshi orynbasary

1983 jyly Qaraǵandy oblysynda dúnıege kelgen. 2005 jyly Qaraǵandy memlekettik tehnıkalyq ýnıversıtetin ınjener-qurylysshy mamandyǵy boıynsha bitirgen.

Eńbek joly: 2003-2005 jyldary «Remstroıservıs-AS» JShS-da jol jumysshysy, 2005-2006 jyldary «Qazaqavtodor» RMK óndiristik-tehnıkalyq bóliminiń jetekshi mamany boldy. 2006-2008 jyldary QR Kólik jáne kommýnıkatsııa mınıstrligi Kólik ınfraqurylymyn damytý komıtetiniń avtomobıl joldaryn paıdalaný, jumyldyrý daıyndyǵy jáne temirjol qurylysy basqarmasynda paıdalaný jáne jumyldyrý daıyndyǵy bóliminiń bas mamany, 2008-2009 jyldary QR Kólik jáne kommýnıkatsııa mınıstrligi Avtomobıl joldary komıtetiniń paıdalaný basqarmasynda bas sarapshy, 2009-2012 jyldary atalǵan komıtettiń qurylys jáne rekonstrýktsııa basqarmasynyń bastyǵy, 2012-2013 jyldary QR Kólik jáne kommýnıkatsııa mınıstrligi Avtomobıl joldary komıtetiniń syrtqy qaryzdar basqarmasynyń bastyǵy qyzmetin atqardy.2013-2014 jyldary QR Kólik jáne kommýnıkatsııa mınıstrligi Avtomobıl joldary komıtetiniń syrtqy qaryzdar basqarmasynyń basshysy, 2014-2016 jyldary «Qazaqavtodor» AQ Soltústik Qazaqstan fılıaly dırektorynyń orynbasary, 2016-2017 jyldary QR Investıtsııalar jáne damý mınıstrligi ákimshilik jumys departamentiniń dırektory daýazymyna taǵaıyndaldy. 2017-2019 jyldary atalǵan mınıstrliktiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, 2019-2022 jyldary QR Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, 2022 jyly osy komıtettiń tóraǵasy, 2022 jylǵy maýsym men 2023 jylǵy tamyz aralyǵynda QR Indýstrııa jáne ınfraqurylymdyq damý vıtse-mınıstri, 2023-2026 jyldary Ulytaý oblysy ákiminiń orynbasary boldy.

Qazirgi qyzmetin 2026 jylǵy maýsymnan bastap atqaryp keledi.

2019 jyly «Eren eńbegi úshin» medalimen marapattalǵan.

Azamat SATYBALDY, teatr, kıno jáne teledıdar akteri, dýblıaj akteri, prodıýser, Qazaqstannyń eńbek sińirgen qaıratkeri

1977 jyly Jambyl oblysy Merki aýdanynyń Turar Rysqulov aýylynda dúnıege kelgen. Júrgenov atyndaǵy Qazaq ulttyq óner akademııasyn teatr jáne kıno akteri mamandyǵy boıynsha bitirgen.

Eńbek joly: 2000-2001 jyldary Qostanaı oblystyq qazaq drama teatrynyń akteri, 2001-2018 jyldary Muhtar Áýezov atyndaǵy Qazaq memlekettik akademııalyq drama teatrynyń akteri, 2013-2018 jyldary «Qazyǵurtfılm» JShS kadr jáne shyǵarmashylyq jumys jónindegi atqarýshy dırektory boldy. 2018-2022 jyldary Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynyń dırektory, 2022-2023 jyldary Júrgenov atyndaǵy Qazaq ulttyq óner akademııasynyń rektory, 2023-2024 jyldary Sháken Aımanov atyndaǵy «Qazaqfılm» AQ prezıdenti qyzmetine taǵaıyndaldy.

2021 jyly «Qurmet» ordenimen marapattalǵan.

Ersin IBRAShEV, Jetisý oblysynyń týrızm basqarmasynyń basshysy

1989 jyly dúnıege kelgen. M.Áýezov atyndaǵy Ońtústik Qazaqstan memlekettik ýnıversıtetin halyqaralyq qatynastar mamandyǵy boıynsha bitirgen. Qytaıdyń Beıjiń qalasynda joǵary jáne joǵary oqý ornynan keıingi bilim alǵan.

Eńbek joly: 2014-2018 jyldary jeke sektorda jumys istegen. QR Ulttyq ekonomıka mınıstrliginiń Jer qoınaýyn paıdalaný jónindegi kelisimsharttardy saraptaý basqarmasynyń bas sarapshysy, Jobalyq basqarý departamentiniń memlekettik organdarmen úılestirý basqarmasynyń bas sarapshysy, basshysy boldy. Jobalyq basqarý saıasaty departamentiniń memlekettik organdarmen úılestirý jáne jumysyn súıemeldeý basqarmasynyń basshysy, QR Ulttyq ekonomıka mınıstrligi Іshki ákimshilendirý departamenti dırektorynyń orynbasary, 2024-2026 jyldary Mańǵystaý oblysynyń týrızm basqarmasynyń basshysy qyzmetin atqardy.

Qazirgi qyzmetin 2026 jylǵy mamyrdan bastap atqaryp keledi.

Ybyraı ALTYNSARIN, qazaqtyń asa kórnekti aǵartýshy pedagogi, folklorshy, qoǵam qaıratkeri

1841 jyly qazirgi Qostanaı oblysy Qostanaı aýdanynyń aýmaǵyndaǵy Jańbyrshy aýylynda, Araqaraǵaı bolysy, Nıkolaev ýezinde dúnıege kelgen.

Aǵartýshylyq jáne pedagogıkalyq qyzmetimen tanylǵan. 1864 jyly qazaq balalaryna arnalǵan bastaýysh mektep ashty. 1868-1874 jyldary Torǵaı oblystyq basqarmasynda is júrgizýshi bolyp qyzmet atqardy. Keıin kóp ýaqyt ýezdik sýdıa, ýezd bastyǵynyń kómekshisi boldy. Onyń bastamasymen 1884 jyly Torǵaıda, Yrǵyzda, Nıkolaevskide, Aqtóbede jáne Elek qorǵanynda bolystyq mektepter ashyldy. Al 1887 jyly Yrǵyzda qazaq qyzdaryna arnalǵan tuńǵysh mekteptiń ashylýyna uıytqy boldy. Ol qazaq tilindegi oqýlyqtardy ázirleýge, orys grafıkasy negizinde álipbı men jazý júıesin qalyptastyrýǵa zor úles qosty. Sonymen qatar qazaq mektepterine arnalǵan orys tili oqýlyqtaryn qurastyrýǵa qatysty.

Y.Altynsarınniń ádebı murasyna aýdarmalary, óleńderi, áńgimeleri, mysaldary, etnografııalyq ocherkteri men qazaq ertegileri enedi. Onyń aýdarmalary qazaq ádebıetindegi mysal janrynyń negizin qalap, qazaq ádebı tiliniń qalyptasýyna yqpal etti.

Ybyraı Altynsarınniń esimi qazaq halqynyń maqtanyshyna aınalǵan tarıhı tulǵalar qatarynda qurmetti oryn alady.

1889 jylǵy 17 (29) shildede qaıtys boldy. Tobyl ózeniniń jaǵasynda, ákesiniń qabiriniń janynda, óz úıinen alys emes jerde jerlengen.

Kórnekti aǵartýshynyń qurmetine 2007 jyly QR Bilim jáne ǵylym mınıstrligi «Ybyraı Altynsarın» tósbelgisin taǵaıyndady.