2 qarasha. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
2 qarasha. JEKSENBІ
Qyrǵyzstan Mádenıet qyzmetkerleri kúni. Qyrǵyzstan Respýblıkasy Úkimetiniń 1995 jylǵy 28 shildedegi Qaýlysymen bekitilgen.
ESTE QALAR OQIǴALAR
8 6 jyl buryn (1928) Adaı okrýgi atqarý komıteti tóraǵasynyń orynbasary Eralıev Shábden jumbaq jaǵdaıda (sýǵa ózi qulap ketken desedi) qaza tapty. OGPÝ bul oqıǵany jeleý ete otyryp, jergilikti basshylardy qýǵynǵa ushyratty. Munyń aıaǵy belgili Adaı kóterilisine ulasty. Kóterilis basylǵan soń 800 adam jaýapqa tartylǵan.
6 7 jyl buryn (1947) «Temırtaýskıı rabochıı» gazetiniń alǵashqy sany jaryq kórdi. Basylym qazaq jáne orys tilderinde 1960 jylǵa deıin shyǵyp turdy.
1 5 jyl buryn (1999) Semeı ýnıversıtetine aqyn Shákárim Qudaıberdiulynyń esimi berilip, ýnıversıtet ǵımaratynyń aldyna eskertkishi ornatyldy.
1 3 jyl buryn (2001) Ońtústik Qazaqstan oblystyq saıası qýǵyn-súrgin qurbandary murajaıy ashyldy. Murajaıdyń basty maqsaty qýǵyn-súrgin qurbandary bolǵan qoǵam jáne memleket qaıratkerleriniń ómirbaıandaryn, sýretterin jınastyrý.
10 jyl buryn (2004) Jambyl oblysy Amangeldi gaz ken ornynda rettik sany 114-inshi bolǵan 14-inshi burǵylaý orny iske qosyldy.
10 jyl buryn (2004) qazaqstandyq jýrnalıst Oleg Kvıatkovskıı «Rossııskaıa gazeta» TMD jáne Baltyq elderi BAQ-nyń orys tildi ókilderi arasynda ótkizgen «Rýsskıı mır» baıqaýynyń jeńimpazy atandy. Oleg Kvıatkovskıı (1948-2007) - ál-Farabı atyndaǵy QazUÝ jýrnalıstıka fakýltetiniń túlegi. «Sovetskaıa Chýkotka», «Kazahstanskaıa pravda» gazetteriniń tilshisi, «Stroıtelnaıa gazetanyń» Qıyr Shyǵys boıynsha menshikti tilshisi, «Trýd» gazetiniń Túrkimenstan men Qazaqstandaǵy menshikti tilshisi, «Karavan» gazetiniń bas redaktory qyzmetterin atqarǵan. 2000 jyly «Koda» aqparattyq agenttiginiń negizin qalap, jetekshilik etken. Oleg Kvıatkovskıı - birqatar kitaptardyń avtory. Jýrnalıster odaǵy syılyǵynyń jáne Qazaqstan Respýblıkasy Prezıdenti syılyǵynyń ıegeri.
10 jyl buryn (2004) Almatynyń «Qaıraty» Petropavlda «Esil-Bogatyr» komandasymen aradaǵy matchta jeńiske jetip, sol jyldyń respýblıka chempıony atandy.
9 jyl buryn (2005) Qyrǵyzstanda Qazaqstandyq ınvestorlar men kásipkerler qaýymdastyǵy quryldy. Bul Qaýymdastyq olardyń zańdy múddelerin qorǵap, Qyrǵyzstandaǵy Qazaqstan bıznesin ilgeriletýge úles qosatyn bolady Qyrǵyzstan ekonomıkasyna keńinen tanystyrylǵan qazaqstandyq kásipkerlerdiń kezdesýin Bishektegi Qazaqstan elshiligi uıymdastyryp otyr. Qazaqstan elshiliginde ótken kezdesýde Qaýymdastyqtyń keńesi saılandy.
8 jyl buryn (2006) Qazaqstan alǵash ret Birikken Ulttar Uıymynyń Ekonomıkalyq jáne Áleýmettik Keńesine (EÁK) múshe bolyp saılandy. 54 múshe memleketten turatyn EÁK BUU-nyń 14 mamandandyrylǵan mekemesiniń, 10 fýnktsıonaldyq jáne 5 óńirlik komıssııasynyń jumysyn úılestiredi, BUU júıesiniń uıymdaryna jáne múshe-memleketterge usynys beredi. BUU Jarǵysyna sáıkes EÁK halyqtyń turmys deńgeıin kóterýge kómektesý úshin, adamdardyń eńbekpen tolyq qamtylýyna, ekonomıkalyq jáne áleýmettik progreske jaýap beredi.
8 jyl buryn (2006) 2-9 qarashada Almatyda II halyqaralyq «Qazaqstandaǵy korporatıvtik basqarý jáne ınvestıtsııalyq ahýal» konferentsııasy bolyp ótti.
8 jyl buryn (2006) S.Toraıǵyrov atyndaǵy Pavlodar oblystyq kitaphanasynyń rarıtettik basylymdar toptamasy taǵy bir sırek kezdesetin - 1914 jyly shyqqan «Reseıdegi aýyl sharýashylyǵy kásipshiligi» kitabymen tolyqty. Bul kitapty jıyrma jyl boıy Pavlodar oblystyq aýyl sharýashylyǵy tájirıbe stansasyn basqarǵan, aýyl sharýashylyǵy ǵylymdarynyń kandıdaty Anatolıı Zolotarev kitaphanaǵa syıǵa tartqan. Kitapta aýyl sharýashylyǵy ǵylymyn qoldana bilgen agrarlyq sala qyzmetkerleriniń konferentsııalary men ózge de jıyndary týraly keńinen áńgimelenip, jaǵymdy tájirıbeler men jańa jerdi óńdeý tehnologııalary ashyp kórsetilgen. Qundy kitap betterinde Reseı ımperııasy aýyl sharýashylyǵynyń 1895-inshi jyldan 1913 jylǵa deıingi ahýaly týraly kóptegen dıagrammalar, grafıka men sýretter qoldanyla otyryp, statıstıkalyq málimetter keltirilgen.
7 jyl buryn (2007) Astanadaǵy №6636 áskerı bólimshesinde 1995 jyldyń sáýir aıynyń 7-sinde tájik-aýǵan shekarasynda qaza bolǵan elimizdiń ishki áskeriniń 17 jaýyngeri men 1979-1989 jyldary aýǵan soǵysynda qaza tapqan ınternatsıonalıst-jaýyngerlerge arnalǵan eskertkish ashyldy. Esterińizge sala keteıik, 1993 jyly Táýelsiz memleketter dostastyǵy elderi ujymdyq qaýipsizdik kelisimine sáıkes, ishki áskerden arnaıy jasaqtalǵan rotany tájik-aýǵan shekarasyn kúzetýge jibergen bolatyn. Al 1997 jyldyń sáýir aıynyń 7-sinde Pshıhvar shatqalynda bolǵan soǵysta elimiz ishki áskerdiń 17 jaýyngerinen aıyryldy. Osyǵan oraı óz ómirlerin ólimge tige otyryp, áskerı boryshtaryn ótegen jaýyngerlerge arnap elimizdiń birqatar áskerı bólimshelerinde eskertkishter ashylyp, olardyń esimderi kósheler men mektepterge jáne ózge de oryndarǵa berildi.
7 jyl buryn (2007) Astanada Intel kompanııasynyń uıymdastyrýymen qazaqstandyq bilim júıesinde aqparattyq tehnologııalardy damytý taqyrybyna arnalǵan búgingi «dóńgelek ústel» májilisinde «Samǵaý» holdıngi ınnovatsııalyq-bilim berý konsortsıýmynyń qurylýy týraly jarııa etti. Konsortsıýmnyń negizgi maqsaty - Qazaqstanda Internet negizinde birtutas aqparattyq-bilim berý ortasyn jasaý bolyp tabylady. Konsortsıýmnyń qyzmeti óz maqsattaryn júzege asyrý úshin zııatkerlik, qarjylyq, tehnologııalyq jáne basqa da resýrstardyń basyn biriktirýge, sondaı-aq álemdik web-keńistiktegi qazaqstandyq kontenttiń artýyna, birinshi kezekte - memlekettik tildegi kontenttiń keńeıýine qoldaý kórsetýge negizdeledi.
7 jyl buryn (2007) Almaty oblysy Qarasaı aýdanynyń Ulan aýylynda jańa meshit ashyldy. Meshit «Kremlevskıı» qyzyl kirpishinen kóterilgen jáne 220 adamǵa eseptelgen. Kúmbezderi tot baspaıtyn quryshtan jasalǵan.
5 jyl buryn (2009) Shyǵys Qazaqstan oblysy Kýrchatov qalasynda Slovakııa Respýblıkasynyń Qurmet elshiligi ashyldy. Qazaqstan men Slovakııa elderiniń arasyndaǵy qarym-qatynas eki on jyldyq boıy jalǵasyp keledi. Eki el arasyndyǵy yntymaqtastyqtyń sebebiniń biri - atomdyq energetıkanyń damýy.
Kýrchatov qalasynnyń tańdalýy beker emes, óıtkeni onda atomdy beıbit maqsatynda zertteý jáne óńdeý jumystary júrgiziledi. Elbasy Nursultan Nazarbaevtyń Jarlyǵymen Kýrchatov qalasynda Qazaqstan Respýblıkasynyń Ulttyq ıadrolyq ortalyǵy ashyldy. Shyǵys jáne Soltústik Qazaqstan arasynda Kýrchatov qalasynyń ornalasýy óte yńǵaıly, ol eki oblystyń baılanystyryp turǵan túıini bolyp tabylady. Bul elshilik óńirge Shyǵys Qazaqstan, Pavlodar jáne Soltústik Qazaqstan oblystary kiredi.
5 jyl buryn (2009) Italııada qazan aıynyń sońǵy kúnderi ótken shaqa ónimderiniń «Vıchentsa Palladııa-2009» halyqaralyq syılyǵy» men «Vıtsentsa Nýmızmatıka» halyqaralyq syılyǵy» altynshy halyqaralyq konkýrsynyń ІІ júldesin Qazaqstan Respýblıkasy Ulttyq bankiniń «Uly qolbasshylar» serııasy boıynsha shyǵarǵan «Shyńǵys Han» eskertkish kúmis shaqasy jeńip aldy. Bul nýmızmatıkalyq konkýrs teńge saraılary nemese memlekettik organdar shyǵarǵan eń ádemi shaqany anyqtaıdy.
Nomınaly - 100 teńgelik shaqa 2008 jyly mamyrdyń 31-de aınalymǵa shyǵarylǵan bolatyn. Monetanyń bet jaǵynda (aversinde) oń jaq bóliginde Qazaqstan Respýblıkasynyń Eltańbasy, monetanyń nomınalyn bildiretin «100 TEŃGE» degen jazý jəne Qazaqstan teńge saraıynyń taýar belgisi, shaqa basyp shyǵarylǵan jyldy bildiretin «2008» degen jazý bar. Sol jaq bóliginde A.Dúzelhanovtyń kartınkasynyń fragmenti - atqa mingen Shyńǵys hannyń beınesi ornalasqan. Monetany aınaldyra jalpaq kúńgirt jıek júrgizilgen, oǵan bederlep memlekettik tilde «QAZAQSTAN RESPÝBLIKASY» jəne aǵylshyn tilinde «REPUBLIS OF KAZAKHSTAN» degen sózder jazylǵan. Jazýlar núktelermen bólingen. Moneta soǵylǵan metaldy, onyń synamyn jəne massasyn bildiretin «Ag 925 31,1gr.» degen jazýlar taǵy bar.
5 jyl buryn (2009) Perta qalasynda (Batys Avstralııa shtaty, Avstralııa) Qazaqstan Respýblıkasynyń Avstralııadaǵy Qurmet elshiligi resmı túrde ashyldy. Ashylý rásimine resmı tulǵalar jáne Batys Avstralııa shtatynyń iskerlik ortalarynyń ókilderi qatysty.
Shara aıasynda resmı tulǵalardyń jáne iskerlik ortalyq ókilderiniń qatysýymen, elimizdiń ınvestıtsııalyq klımatynyń damý máseleleri men potentsıaldy salalardyń túsaý keserine avstralııalyq ınvestıtsııalardy tartý barysynda «dóńgelek ústel» ótkizildi. Batys Avstralııa eń iri avstralııalyq shtattardyń biri bolyp sanalady, jasyl kontınenttyń úshten bir bóligin alady, ol Qazaqstannyń jer kólemine sáıkes. Shtattyń ekonomıkalyq qyzmetiniń eń basty baǵyttary: ken óndirý, munaı gaz ónerkásibi jáne agrarlyq sektor bolyp tabylady.
ESІMDER
17 3 jyl buryn (1841-1889) qazaqtyń asa kórnekti aǵartýshy pedagogy, jazýshy, etnograf, folklorshy ALTYNSARIN Ybyraı (shyn aty- Ibrahım) dúnıege keldi.
Týyp-ósken jeri - Qostanaı oblysynyń Qostanaı aýdany, Arqaraǵaı aýyly. Osy óńirde, Tobyl ózeniniń jaǵasynan topyraq buıyrǵan. 1850j. Orynbor shekara komıssııasynyń qazaq balalary úshin ashqan mektebine oqýǵa túsedi. Mektepti bitirgen soń, Orynbor shekara komıssııasynda áskerı starshına bolyp qyzmet atqaratyn úlken ákesi Balǵoja Jańbyrshyulynyń hatshysy bolady (1857-1859). Orynbor oblystyq basqarmasynda tilmashtyq qyzmet atqarady. 1860 jyly Orynbor bekinisinde (Torǵaı) qazaq balalary úshin mektep ashý tapsyrylady, ári sol mektepke orys tiliniń muǵalimi bolyp belgilinedi. Ybyraıdyń búkil ómirin arnaǵan aǵartýshylyq-pedagogtyq qyzmeti osylaı bastalady. Tikeleı óziniń aralasýymen halyqtan jınaǵan qarjyǵa mektep úıin jáne ınternat salyp, 1864 jyly 8 qańtarda mekteptiń jańa ǵımaratyn saltanatty túrde ashady. Ustazdyq-aǵartýshylyq qyzmetke qosa Ybyraıǵa basqa da jumystardy atqarý júkteledi. Orynbor general-gýbernatorynyń tikeleı tapsyrýy boıynsha Torǵaıda tórt ret ýezdik sýdıa bolyp (1868-1874), torǵaı ýezdik bastyǵynyń aǵa járdemshisi (1876-1879) qyzmetin atqarady. Ybyraı ınspektorlyq qyzmetke kirisken soń oqý-aǵartý jumystaryn odan ári jandandyryp, Elek, Qostanaı, Torǵaı, Yrǵyz ýezderinde bir-birden eki klastyq orys-qazaq mektepterin ashady, olardy qajetti kitaptarmen jasaqtaıdy. Ásirese, eldi kóshpeli ómir saltyn eskerip, Reseıdiń halyq aǵartý júıesine jańa úlgili bilim berý tásilin usynys etedi. Nátıjesinde, 1888 jyly 10 sáýirde Orskide bastaýysh mektepter úshin qazaq jatarynan oqytýshylar daıarlaıtyn muǵalimder mektebi ashylady. Ybyraı munan ári qazaq jastary arasynan ekonomıka, aýyl sharýashylyǵy, qol óner káispshiligi salalaryna qajetti mamandar daıarlaıtyn ýchılışeler ashýǵa kóp kúsh jumsaıdy. Tipten, Qostanaıdan ashylatyn aýyl-sharýashylyq ýchılışesine óziniń ıeligindegi jerin beretini týraly ósıet qaldyrady. Ybyraıdyń qazaq qyzdary úshin Torǵaıda, Qostanaıda, Qarabutaqta, Aqtóbede mektep-ınternat ashtyrýynyń tarıhı mán-mańyzy zor boldy. Ybyraı orys-qazaq mektepteri úshin arnaýly oqý quraldaryn shyǵarý qajet dep sanady. Oqytý ádisterin jańa baǵytta qurdy, oqýǵa degen balanyń yntasy men qyzyǵýshylyǵyn arttyrýdy kózdedi, oqýdy ana tilinde júrgizdi. Mektep oqýynda, ásirese, ana tiline úıretýde K.D.Ýshınskııdiń oılaryna júgindi. Qazaq balalarynyń tanym-túsinigine laıyqty oqý-ádistemelik quraldar jazdy. Ol orys-qazaq ýchılışesinde Ýshınskııdiń «Balalar dúnıesin», L.N.Tolstoıdyń «Álippe jáne oqý quralyn», D.I.Tıhomırovtyń «Grammatıkanyń qarapaıym kýrsyn» oqý quraly retinde usyndy. Ybyraıdiń pikirinshe, mektepterge arnalyp jazylatyn oqý kitaptary óziniń ıdeıalyq mazmuny jáne naqty materıaldary jaǵynan ana tiliniń jáne halyq danalyǵynyń baı qazynasyna negizdelýge tıis boldy. 1879 j. onyń «Qazaq hrestomatııasy»atty oqýlyǵy jáne dıdaktık. oqý máselesi jóninde «Qazaqtarǵa orys tilin úıretýdiń bastaýysh quraly» jaryq kórdi. Bul eki kitap ta qazaq balalaryn kırıllıtsa negizinde oqytýǵa arnalǵan tuńǵysh oqý quraldary boldy. Ybyraı - jańa dáýirdegi qazaq ádebıetiniń qalyptasýyna qomaqty úles qosqan. Ol qazaq jastaryn eń aldymen oqý, óner-bilim, teh-ny ıgerýge shaqyrady («Oqysańyz, balalar, Shamnan shyraq jaǵylar. Tilegeniń aldyńnan, Іzdemeı-aq tabylar»). Avtor oqý-bilimniń tek izdenis, eńbekpen tabylatynyna mán berdi. Buǵan ınemen qudyq qazǵandaı yjdahattylyq, talap pen sabyrlylyq qajet ekenin eskertedi. Al oqymaǵan nadandardy aqyn az ǵana sózben synap, olardyń aq, qarany aıyrmaıtyn kórsoqyr ekenin aıtady («Oqymaǵan júredi, Qarańǵyny qarmalap. Nadandyqtyń belgisi - Esh aqylǵa jarymas»). Oqý, bilimniń paıdasy qandaı, ol nege kerek degen máselege kelgende, onyń ómir úshin, bolashaq úshin qajet ekenin taldap kórsetedi («Ata-eneń qartaısa, Tireý bolar bul oqý. Qartaıǵanda mal taısa, Súıeý bolar bul oqý»). Jastardy óner-bilim, teh-ny ıgerýge úndeý aqynnyń «Óner-bilim bar jurttar» degen óleńinde óz jalǵasyn tapqan. Ol óner-bilimi jetilgen elderdiń artyqshylyǵy qandaı, olar sol ónerimen neni ıgerip otyr, erteńgi ómirdiń talap-tilekteri ne sekildi kúrdeli máselelerdi jastar aldyna kóldeneń tartý arqyly olarǵa oı tastap, óner-bilimdi batyl ıgerýge shaqyrady («Adamdy qustaı ushyrdy, Mal isteıtin jumysty, Ot pen sýǵa túsirdi. Otynsyz tamaq pisirdi, Sýsyzdan sýsyn ishirdi»). Ybyraı sondaı-aq Ýshınskıı, L.N.Tolstoı, I.A.Krylov, I.Paýlson shyǵarmalaryn qazaq tiline tárjimalap, qazaq ádebıetinde kórkem aýdarma janryn qalyptastyrdy. Qazaqstan Úkimet 1989 j. 22 jeltoqsandaǵy qaýlysymen Ybyraıdiń týǵanyna 150 jyl tolýyna oraı mereıtoıy ótkizilip, ustazdyń muralaryna arnalǵan ǵylymı, tarıhı, pedogogıkalyq eńbekter jaryq kórdi. Arqalyq qalasynda Ybyraı murajaıy ashyldy. Tobyl boıyndaǵy Ybyraı qystaýy janynda, múrdesi qoıylǵan jerde, Ybyraıǵa kúmbezdi mazar ornatyldy. Qazaqstanda Ybyraı atynda aýdan, aýyldar, joǵary oqý oryndary, shyń, t.b. bar. Ybyraı oqý-aǵartý jumystaryna óz zamanynyń eń ozyq ádistemelerin qoldana otyryp, bilimniń balalarǵa ana tilinde berilýine aıryqsha mán beredi. «Qazaq hrestomatııasy» atty oqýlyq, «qazaqtarǵa orys tilin úıretýdiń bastaýysh quraly» atty dıdaktıkalyq oqý quralyn jazdy. Bul kitaptaryndaǵy oqýshyny otan súıgishtikke, eńbekke, kisilikke - tárbıeleıtin ǵıbratty shyǵarmalary eshqashan da óziniń mán-maǵynasyn joımaq emes. Tek qana oqý-aǵartý jumystary emes, Ybyraı sonymen birge sol kezdegi qoǵamdyq - saıası ómirge sergek aralasyp, ǵylym-bilimge, eńbek pen ónerge, dinge, etnografııaǵa qatysty maqalalar jazdy. Onyń, ásirese, kórkem eńbekteri qazaq ádebıetiniń qalyptasýyna aıryqsha yqpal etti.
Ybyraı esimi berilgen aýdan, aýyldar, oqý oyrndary, kósheler, jer ataýlary Qazaqstannyń túkpir-túkpirinde kezdesedi
9 9 jyl buryn (1915-2006) muǵalim, Qazaq KSR Aǵartý isiniń úzdigi, Qazaq KSR-niń eńbegi sińirgen muǵalimi BÝKOVSKII Dmıtrıı Selıverstovıch dúnıege keldi.
Qostanaı oblysy Obaǵan ( qazirgi Altynsarın aýdany) aýdany Lıhachevka kentinde týǵan. Qostanaı pedagogıkalyq ınstıtýtyn (qazirgi Ahmet Baıtursynov atyndaǵy Qostanaı memlekettik ýnıversıteti) bitirgen. Uly Otan soǵysyna qatysqan.
Lenıngrad qalasy blokadasynyń qorǵaýshysy. Soǵys aıaqtalǵannan keıin Qostanaı qalasynda bilim berý salasynda kóp jyldar boıy eńbek etti. Qostanaıdaǵy sańyraý balalarǵa arnalǵan mektep-ınternatynyń muǵalimi, mektep dırektorynyń orynbasary, dırektory qyzmetterin atqarǵan. Qostanaı oblysynda bilimdi damytý maqsatynda kóptegen eńbek sińirgen.
ІІ dárejeli Otan soǵysy, Qyzyl Juldyz ordenderimen, «Za pobedý nad Germanıeı» medalimen, kóptegen mereıtoılyq medaldarmen marapattalǵan.
7 1 jyl buryn (1943) jazýshy, fılologııa ǵylymynyń doktory KÁRІBAEVA Baqyt dúnıege keldi.
Qaraǵandy oblysynyń Jańaarqa aýdanynda týǵan. Abaı atyndaǵy Qazaq pedagogıkalyq ınstıtýtynyń fılologııa fakýltetin jáne aspırantýrasyn bitirgen. Alǵashqy syn maqalalary respýblıkalyq basylymdarda jetpisinshi jyldary jaryq kóre bastady. Ǵalymnyń «Talap deńgeıi», «Qazirgi qazaq lırıkasynyń poetıkasy» kitaptary jaryq kórdi. Onyń «Stıl syry», «Qundylyq ólshemi», «Qazaq lırıkasynyń qaınary», «Abaıtanýdaǵy aqtańdaqtar», «Shyn ádebıet endi týady», «Áýezovtanýdyń mańyzdylyǵy», «Áýezov - álemdik tulǵa» t.b. maqalalary bar. «Qara óleń men lırıka», «Qazirgi qazaq ádebıetiniń kórkemdik damý arnalary» atty monografııalardyń avtory.
61 jyl buryn (1952) QR Parlamenti Senatynyń depýtaty QUSDÁÝLETOV Dýlat Rashıtuly dúnıege keldi.
Aqmola oblysy Makın aýdanynyń Erkindik aýylynda týǵan. 1992 jyly Máskeý zań ınstıtýtyn «Quqyqtaný» mamandyǵy boıynsha bitirdi. 1975 jyldan bastap Tselınograd qalasynda eńbek jolyn bastady. 1975 jyldan 1994 jylǵa deıin Tselınograd q. oblystyq ákimshiliginiń apparatynda ár túrli qyzmetterde jumys istedi. 1996 jyldan 2000 jylǵa deıin, Aqmola oblysy prokýratýra organdarynda qyzmet atqardy. 2000-2001 jyly Qazaqstan Respýblıkasy Bas prokýratýrasynda ár túrli laýazymdarda boldy. 2001-2005 jyldary Qazaqstan Respýblıkasy Bas prokýratýrasynyń memlekettik organdary qyzmetindegi zańdylyqty qadaǵalaý Departamenti bastyǵynyń orynbasary. 2005 jylǵy shilde aıynan 2013 jylǵy tamyzǵa deıin - Qazaqstan Respýblıkasy Ádilet mınıstriniń orynbasary.
Qazirgi qyzmetinde - 2013 jylǵy tamyzdan beri.
«Qurmet» ordenimen (2006j.), «Prokýratýra ozaty» 2-sanatty tósbelgisimen (2002j.), «Qazaqstan temir jolyna 100 jyl» (2004j.), «Astananyń 10 jyldyǵy» (2008 j) medaldarymen marapattalǵan.
41 jyl buryn (1972) «Koomesk-Ómir» saqtandyrý kompanııasy» AQ dırektorlar keńesiniń tóraǵasy, «Qazaqstandyq qor bırjasy» AQ dırektorlar keńesiniń múshesi ÁBDІRAZAQOV Eldar Sovetuly dúnıege keldi.
Qoja-Ahmet ıAssaýı atyndaǵy halyqaralyq qazaq túrik ýnıversıtetin jáne onyń magıstratýrasyn bitirgen, ekonomıst.
1995-1998 jyldary - «Qazkommertsbank» AQ-da qyzmet atqardy. 1998-2002 jyldary - ınvestıtsııalyq bankıng departamentiniń dırektory, basqarýshy dırektory. 2002-2004 jyldary - «Kazkommerts Securities» AAQ bas dırektory. 2005 jylǵy sáýirden - «Sentras Inshýrans» saqtandyrý kompanııasy» AQ dırektorlar keńesiniń tóraǵasy.
148 jyl buryn (1865) AQSh-tyń 29-shy prezıdenti Ýorren Gamalıel HARDING dúnıege keldi. 111 jyl buryn (1902-1976) keńes teatr jáne kıno akteri, rejısser, KSRO halyq ártisi ıANShIN Mıhaıl Mıhaılovıch dúnıege keldi.
75 jyl nazad (1938) ıspan hanshaıymy, Ispanııa koroli Hýan Karlos І-niń zaıyby Donıa Sofııa Grecheskaıa ı Datskaıa (Sofııa Margarıta Vıktorııa Federıka Shlezvıg-Golshteın-Zonderbýrg-Glıýksbýrg) dúnıege keldi.
198 jyl buryn (1815-1864) aǵylshyn matematıgi, matematıkalyq logıkanyń negizin qalaýshy Djordj BÝLЬdúnıege keldi.