2 qalanyń karantınge jabylýy: Birqatar reıster toqtatyldy
NUR-SULTAN. QazAqparat - Air Astana men FlyArystan áýe kompanııalary toby Nur-Sultan men Almaty qalalarynda karantın engizilýine baılanysty birqatar reısin toqtatty. Bul jaıynda Air Astana kompanııasynyń baspasóz qyzmetinen habarlady.
«Air Astana men FlyArystan áýe kompanııalary toby Nur-Sultan men Almaty qalalarynda karantın engizilýine, sonymen qatar birqatar úkimettik shekteýlerge baılanysty birqatar reısin toqtatty. Halyqaralyq reıster Qazaqstan azamattaryn otanyna alyp kelý jáne shetel azamattaryna elden ketýge múmkindik berý maqsatynda ǵana oryndalady. Áýe kompanııalary toby jolaýshylardy turǵylyqty jerlerine jetkizý úshin ishki reısterdi oryndaýyn jalǵastyrady», - delingen taratylǵan aqparatta.
Kompanııa málimetinshe, qazirgi jaǵdaıda kólik utqyrlyǵynyń kúrdelýine baılanysty barlyq jolaýshylar áýejaıǵa ushaq ushýynan 2 saǵat buryn kelýi qajet. 15 sáýirdi qosa alǵanǵa deıingi reısterge bılet satyp alǵan azamattardyń barlyǵy bılet qunyn qaıtaryp alý úshin refund@airastana.com elektrondy poshtasynda suranys joldaýlary qajet. Satyp alynǵan bıletterdiń quny 2020 jyldyń sońyna deıin qaıtarylýy múmkin.
