2 gektar memleketke qaıtaryldy: Jetisýda zańsyz qoqys óńdeıtin zaýyt salmaq bolǵan

TALDYQORǴAN. KAZINFORM - Jetisýda prokýrorlar jer telimin memleket menshigine qaıtardy. Bul týraly Bas prokýratýra málim etti.

— Kásipkerge QR Jer kodeksin buza otyryp, saýda-sattyqsyz (aýktsıonsyz) qoqys óńdeıtin zaýyt salý úshin kólemi 2 gektardan astam jer ýchaskesi berilgen.  Taldyqorǵan qalasy prokýrorynyń qadaǵalaý aktisimen oblystyń jer resýrstaryn basqarý Departamenti talap aryz berip, sot ony qanaǵattandyrdy. Ákimdiktiń qaýlysy zańsyz dep tanylyp, quny 3,9 mıllıon teńge bolatyn jer ýchaskesi memleket menshigine qaıtaryldy, — delingen habarlamada.

Eske sala keteıik, buǵan deıin Aqmola oblysynda paıdalanylmaı jatqan 22 myń gektar jer memleketke qaıtarylǵanyn jazǵan edik.