«EvroHım» kompanııasy Jambyl oblysynda hımııalyq keshen salmaq
ASTANA. KAZINFORM – «EvroHım» kompanııasy Qazaqstanda aýqymdy ınvestıtsııalyq jobany iske asyrýdy jalǵastyrýda. Bul joly Jambyl oblysynda biregeı hımııa keshenin salý týraly kelisimshartqa qol qoıyldy.
Búgin elordada «EvroHım» mıneraldy hımııa kompanııasy qytaılyq CNCEC (China National Engineering Company) kompanııasymen Jańatas qalasynda (Jambyl oblysy) hımııalyq keshendi jobalaýǵa, salýǵa jáne paıdalanýǵa berýge kelisti.
Investıtsııalyq joba – Qazaqstan Respýblıkasy burynǵy Indýstrııa jáne ınfraqurylymdyq damytý mınıstriniń buıryǵymen jáne Reseı men Qazaqstan Úkimeti arasyndaǵy kelisimmen bekitilgen ındýstrııalandyrýdyń biryńǵaı kartasyna sáıkes iske asyrylady.
Kelisimshartqa qol qoıý rásiminde Qazaqstan Respýblıkasynyń Ónerkásip jáne qurylys mınıstri Qanat Sharlapaev jobanyń óńirdiń aýyl sharýashylyǵy men ekonomıkasyn damytýǵa qosatyn eleýli úlesin atap ótti.
«Óndiristiń qaýipsizdigi jer nemese sýdyń bolýynan bastalmaıdy. Bul onyń negizi, biraq shynymen de óndiristiń qaýipsizdigin qamtamasyz etý úshin tyńaıtqysh qajet. Sondyqtan biz úshin bul óte mańyzdy joba. Biz ony EvroHım kompanııasy jáne qytaılyq seriktestermen birge júzege asyramyz. Bul Eýrazııalyq kooperatsııanyń aıtarlyqtaı úlgisi. ıAǵnı aımaqtyq óndiris qaýipsizdigi úshin bul óte mańyzdy oqıǵa», - dedi mınıstr.
Qazaqstandaǵy «EvroHım» kompanııasynyń ınvestıtsııalyq jobasy úsh kezeńnen turady. Birinshi kezeńde jylyna 640 myń tonna fosforıt unyn óndiretin taý-ken kesheni salyndy. Ekinshi kezeńde, 2026 jyly paıdalanýǵa beriletin kúkirt qyshqyly óndirisiniń qurylysyn, al úshinshi joba 2027 jyly iske qosylatyn hımııalyq keshen salýdy kózdeıdi. Jobany iske asyrýǵa jalpy kólemi 1 mlrd dollar ınvestıtsııa salynyp otyr.
Sondaı-aq, jańa kásiporynda 2400-den astam jańa jumys orny ashylyp, onyń keminde 80% Qazaqstan azamattary bolady dep josparlanyp otyr.
Qazaqstandaǵy «EvroHım» kompanııasynyń jańa hımııalyq kesheni – mıneraldy tyńaıtqyshtar, hımııalyq ónimderdiń assortımenti jáne jalpy óndiristiń jıyntyq qýaty boıynsha biregeı kásiporyn bolmaq. Osylaısha shyǵarylatyn ónimniń jyldyq kólemi 1 mln tonnadan astam mıneraldy tyńaıtqyshtar men ónerkásiptik ónimderdi quraıdy.
«Qazaqstan – «EýroHım» úshin Ortalyq Azııa naryǵyndaǵy basty el. Al biz úshin, ınvestor retinde eń tartymdy memleket. Jańadan salynatyn hımııalyq keshenniń tyńaıtqyshtary aýyl sharýashylyǵyn jáne eldiń eksporttyq áleýetin damytýda mańyzdy ról atqarady dep esepteımiz. Menshikti dıstrıbýtsııa jelisi jáne bizdiń «kenishten fermaǵa deıin» jumys isteý qaǵıdaty agrarshylardyń joǵary sapaly tyńaıtqyshtarǵa qol jetkizýin qamtamasyz ete otyryp, Qazaqstannyń jáne aımaqtaǵy basqa da elderdiń aýyl sharýashylyǵy ónimderin óndirý kólemin ulǵaıtýǵa yqpal etedi», - dedi «EýroHım» kompanııasynyń prezıdenti Oleg Shırıaev.
«EýroHım» - Reseıdegi mıneraldy tyńaıtqyshtar óndirisindegi eń iri ınvestor. Kompanııanyń hımııa jáne taý-ken salasynda iri jobalardy sátti júzege asyrýda kóp jyldyq tájirıbesi bar. Sońǵy birneshe jylda kompanııa Reseı Federatsııasynda birqatar jańa óndiristik kásiporyndy iske qosty. Atap aıtqanda, Lenıngrad oblysyndaǵy «EvroHım» - Soltústik-Batys ammıak zaýyty, Perm ólkesindegi Ýsol kalıı kombınaty jáne Volgograd oblysyndaǵy «Volga Kalıı» zaýyty. Kompanııa Lenıngrad oblysyndaǵy» EvroHım – Soltústik-Batys-2» ammıak jáne karbamıd óndirý zaýytynyń qurylysyn, Stavropol ólkesinde kalıı nıtratynyń óndirisin júrgizýde. 2024 jylǵy naýryz aıynda kompanııa Brazılııada fosfatty tyńaıtqyshtar óndiretin zamanaýı keshendi iske qosty.
CNCEC – munaı-hımııa salasy kásiporyndaryn, onyń ishinde Qazaqstanda qurylys boıynsha tájirıbesi mol jetekshi ónerkásiptik-ınjınırıngtik kompanııalardyń biri.