2 esimi, 3 famılııasy bar Túrkistan turǵynynyń qujattary rettelip jatyr

TÚRKІSTAN. QazAqparat – Túrkistan oblysynda 2 esimi, 3 famılııasy bar turǵynnyń qujattary retke keltirilip jatyr, dep habarlaıdy QazAqparat tilshisi.

Keles aýdanynyń 63 jastaǵy turǵyny Nurjamal Anarhanqyzy buǵan deıin KSRO qujatymen júrgen. Zeınet jasyna jetken soń, KSRO kezindegi qujatyn aýystyrýǵa nıettengen. Alaıda egde jastaǵy turǵynnyń osy ýaqytqa deıingi qujattarynda aty-jóni, tegi 2-3 túrli bolǵany jumystardyń ýaqytyly júzege asýyna kedergi keltirgen.

«JSN berilý úshin, onyń týý týraly kýáligi tekseriledi. Al, atalǵan turǵynnyń týý týraly kýáliginiń aktilik jazbasynda aty-jóni múlde basqasha kórsetilgen. Osydan soń neke qııý týraly kýálikti teksergende onda da basqa derekter jazylǵan. Turǵyn eshqandaı mekemege kómek surap barmaı, eski qujatpen júre bergen» - deıdi Túrkistan oblysy polıtsııa departamentiniń baspasóz qyzmetindegiler.

Búginde tártip saqshylary Nurjamal Anarhanqyzyn qujattandyrý jumystaryn júrgizýde. Túrkistan oblysy Polıtsııa departamentiniń bastyǵy Murat Qabdenov te bul máseleni birden jeke baqylaýyna alǵan. 63 jastaǵy turǵynnyń jınaqtalǵan qujattary QR Kóshi-qon komıtetine joldanyp, bir kúnde JSN qujattary berilgen.

Qujattarynyń durystala bastaǵanyn kórgen zeınet jasyndaǵy ananyń da kóńili qýanyshqa kenelip otyr.

«Apamyzdyń tegi úsh túrli – Anarhanova, Ámirhanova, Pirimqulova boldy jáne ol Nurjamal, Nártaı esimdi eki esimmen júrgen. Polıtsııa qyzmetkerleri bir kúnde JSN alyp erdi. Endi aldaǵy bir aıda tólqujat alamyz. Polıtsııa departamentiniń bastyǵy Murat Qabdenovke jáne qyzmetkerlerine alǵys aıtamyn» - deıdi kelini Aqerke.