2 chempıon jáne 2 eks-álem chempıony: Eleýsinov Londonda rıngke kimmen shyǵady

ASTANA. QazAqparat -Londonda 28 shildedegi qazaqstandyq Danııar Eleýsinov (2-0, 1 KO),  qatysatyn  boks keshiniń anderkardy birtindep qalyptasýda, dep jazady Sports.kz.

Ázirge Eleýsinovten basqa eki boksshy resmı bekitildi. Olar - sýper aýyr salmaqtaǵy Dıllıan Ýaıt (23-1, 17 KO) - Djozef Parker (24-1, 18 KO) aıqasy. Degenmen dúısenbi kúni jarııa etiletin   ózge de boksshylardyń esimderi qazirdiń ózinde belgili bolyp otyr.

Atap aıtqanda, IBF jáne WBA tujyrymdary boıynsha chempıon Ketı Teılor (9-0, 4 KO) men onyń qarsylasy WBO nusqasy boıynsha chempıon Roza Volante (13-0, 7 KO) rıngke shyǵatyn bolady. Sondaı-aq, bul shoýda jartylaı aýyr salmaqtaǵy Djoshýa Býatsı (6-0, 4 KO) jáne  jartylaı orta salmaqtaǵy Konor Benn (12-0, 9 KO) óner kórsetedi.

Eske sala ketsek, buǵan deıin Gennadıı Golovkınniń burynǵy qarsylasy Kell Brýktyń (37-2, 26 KO) qatysýy múmkin ekendigi aıtylǵan edi.

ıAǵnı, bul naǵyz «chempıondar» keshine aınalýy múmkin.

Óıtkeni Teılor men Volante - qazirgi álem chempıondary, al Brýk pen Parker - jartylaı orta salmaqta IBF jáne  sýper aýyr salmaqta WBO chempıondary atanǵan.