2 balǵa jetken — Jer silkinisi Shymkentte de sezildi

ShYMKENT. KAZINFORM - Shymkent qalasynda jer silkinisi 2 baldy qurady.

Shymkent qalalyq Tótenshe jaǵdaılar departamentiniń málimetinshe, túngi saǵat 00 saǵat 09 mınýtta qala aýmaǵynda jer silkinisi tirkeldi. Úreıge boı aldyrǵan turǵyndar tún ortasynda kóshege shyǵyp ketken. Jaǵdaı turaqtalǵansha dalada turǵyndar kóp.

«Shymkent qalasynda jer silkinisi 2 baldy qurady. Zardap shekkender men qıraýlar týraly aqparat túsken joq. Oryn alǵan jaıtqa baılanysty qala turǵyndary men qonaqtaryn abyrjymaýǵa shaqyramyz!» delingen vedomstvo taratqan aqparatta.