2 balasyn 15 qabattan laqtyryp jibergen ananyń qolyna kisen tústi
ASTANA. 25 maýsym. QazAqparat - Máskeý oblysynyń Dolgoprýdnyı qalasynda 15 qabattan qulaǵan 2 bala mert boldy.
Aldyn ala málimetter boıynsha balalardy týǵan anasy balkonnan laqtyryp jibergen, dep habarlaıdy RosBıznesKonsaltıng QR Tergeý komıtetiniń Máskeý oblystyq basqarmasyna silteme jasap.
Qaıǵyly oqıǵa keshe Patsaev dańǵylynda ornalasqan №7 úıde oryn alǵan. «Aldyn ala málimetter boıynsha Dolgoprýdnyı qalasynyń turǵyny 15 qabattaǵy balkonnan óziniń 2 balasyn laqtyryp jibergen. Joǵarydan qulap, jaraqat alǵan balalar oqıǵa ornynda kóz jumdy», - delingen habarlamada.
Balalardyń úlkeni 7-de, al kishisi 4-te. Tergeý organdary «Adam óltirý» baby boınysha qylmystyq is qozǵady. Qazirgi ýaqytta tergeýshiler áıelden jaýap aldy.
«Tergeý barysynda otbasynyń osydan birneshe jyl buryn Volgogradtan Máskeýge qonys aýdarǵandyǵy belgili boldy. Taıaý aralyqta kúdikti joldasymen ajyrasýdy josparlaǵan. Ol turmysqa shyqqanǵa deıin de ózine qol jumsamaq bolǵan», - delingen vedomstvo aqparatynda.
