2 aıdan astam ýaqyt ashyq teńizde ómir súrgen Kolýmbııa azamaty qutqaryldy
ASTANA. QazAqparat - Tynyq muhıtynda 2 aıdan astam ýaqyt ashyq teńizde ómir súrgen Kolýmbııa azamaty qutqaryldy. 29 jastaǵy teńizshi qazir Gavaı araldaryna jetkizilgen, dep habarlady 24.kz.
AQSh-tyń jaǵalaý kúzetiniń habarlaýynsha, er adamnyń jaǵdaıy jaqsy jáne onyń ómirine esh qaýip joq. Ókinishke qaraı, kolýmbııalyqpen birge teńizge attanǵan taǵy 3 adam kóz jumǵan. Aman qalǵan teńizshiniń túsindirýinshe, olar mingen kemeniń qozǵaltqyshy isten shyqqan. Al ózi balyq pen shaǵalanyń etin jep kúneltken.
