2 aı qaldy: 46% mindetti tulǵa jalpyǵa birdeı deklaratsııany tapsyrǵan
ASTANA. KAZINFORM - Qarjy mınıstrligi jalpyǵa birdeı deklaratsııalaýdyń búgingi kúndegi jaǵdaı boıynsha kórsetkishterin jarııalady.
Vedomstvo málimetinshe, jalpyǵa birdeı deklaratsııalaýdyń úshinshi kezeńinde 2024 jyldyń 1 qańtarynan bastap zańdy tulǵalardyń basshylary, quryltaıshylary jáne dara kásipkerler, sondaı-aq olardyń jubaılary bolyp tabylatyn barlyq jeke tulǵalar aktıvter men mindettemeler týraly deklaratsııasyn (250.00-nysan) usyna bastady.
Deklaratsııa Qazaqstan Respýblıkasy jáne (nemese) onyń sheginen tys jerlerdegi aktıvter men mindemeleriniń bar joqtyǵyn kórsetýge arnalǵan.
Bul rette beırezıdentter, kommertsııalyq emes uıymdaryń quryltaıshylary (qatysýshalyry) jáne aktsıonerleri deklaratsııany usynýdan bosatyldy.
2024 jyly Deklaratsııany 2,4 mln. jeke tulǵa tabystaýy qajet.
Jyldyń basynan bastap 1,1 mln. jeke tulǵa nemese deklaranttardyń jalpy sanynyń 46% deklaratsııany tapsyrdy.
Onyń ishinde Deklaratsııanyń 99,9%-y elektrondy túrde, atap aıtqanda salyq tóleýshiniń kabıneti (cabinet.salyk.kz), «Elektrondy úkimet» portaly (egov.kz) jáne «e-Salyq Azamat», «eGov mobile», Kaspi.kz, Halyk, Vcc.kz mobıldi qosymshalary arqyly tabystalǵan.
Deklaratsııalardy usyný boıynsha eń úzdik belsendilikti Ulytaý oblysy men Túrkistan oblysynyń turǵyndary tanytyp otyr.
Deklaratsııany tapsyrýdyń sońǵy merzimi — 15 qyrqúıek.
Deklaratsııa turǵylyqty jeri boıynsha usynylady.