2 aqpanda respýblıkalyq mańyzy bar joldardaǵy ahýal qandaı

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady. 

2026 jylǵy 2 aqpan saǵat 08:00-degi jaǵdaı boıynsha, aýa raıynyń nasharlaýyna baılanysty respýblıkalyq mańyzy bar avtojoldardyń kelesi ýchaskelerinde kólik qozǵalysy shekteldi:

Batys Qazaqstan oblysy

• «Aqtóbe – Oral – RF shekarasy» avtojolynyń 273-393-shaqyrymy (Barbastaý aýyly – Jympıty aýyly ýchaskesi);
• «Atyraý – Oral» avtojolynyń 371-492-shaqyrymy (Chapaev aýyly – Oral qalasy ýchaskesi).

Qyzylorda oblysy

• «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 1522-1806-shaqyrymy (№99 stantsııadan Qyzylorda qalasyna deıin).

Joldar shamamen 2026 jylǵy 2 aqpan saǵat 12:00-de ashylady.

Pavlodar oblysy

• «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.

Shyǵys Qazaqstan oblysy

• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Eske salaıyq, sınoptıkter 2 aqpanda Qazaqstannyń 15 oblysynda daýyldy eskertý jarııalady.