2 aqpanda el aýmaǵynda aýa raıy qandaı bolady
NUR-SULTAN. QazAqparat - «Qazgıdromet» RMK sınoptıkteri 2 aqpan kúni Qazaqstan aýmaǵynda aýa raıy qandaı bolatynyn jarııalady, dep habarlaıdy QazAqparat.
Qazaqstan terrıtorııasynyń aýa raıynda kúrt ózgerister bolmaıdy.
Ońtústik, ońtústik-shyǵys jáne shyǵys aımaqtarda fronttardyń áserinen jaýyn-shashyn (jańbyr, qar) jaýady. Kóktaıǵaq bolyp, jel kúsheıedi.
Al respýblıkanyń qalǵan bóliginde antıtsıklonǵa baılanysty jaýyn-shashyn jaýmaıdy.
Elimizdiń keı jerlerinde tuman túsip, jel kúsheıedi.
Almaty, Atyraý, Batys Qazaqstan oblystarynyń keı jerlerinde tuman túsedi. Kóktaıǵaq bolady. Jel jyldamdyǵy 15-23 m/s deıin kúsheıedi.
Shyǵys Qazaqstan oblysynyń keı jerlerinde tuman túsedi. Boran soǵyp, jel qarqyny 15-20 m/s jetedi.
Qostanaı, Soltústik Qazaqstan oblystarynda keı jerlerde tuman, kúndiz jeldiń kúshi - 15-20 m/s.
Atyraý, Aqtóbe oblystarynda keı jerlerde tuman túsedi, kóktaıǵaq bolady.
Túrkistan oblysynda keı jerlerde tuman, túnde – kóktaıǵaq.
Mańǵystaý oblysynda kúndiz keı jerlerde jeldiń ekpini - 15-20 m/s. Shańdy daýyl soǵady.
Aqmola, Qyzylorda, Pavlodar, Qaraǵandy oblystarynyń keı jerlerinde tuman túsedi.
