2 aqpanda 11 qalada aýa sapasy nasharlaıdy
NUR-SULTAN. QazAqparat – «Qazgıdromet» respýblıkalyq memlekettik kásiporny 2 aqpan, sársenbi kúngi Qazaqstan qalalaryndaǵy aýa sapasyna boljamyn jarııalady, dep habarlaıdy QazAqparat.
Vedomstvo usynǵan málimetke sensek, búgin, 2 aqpanda Nur-Sultan, Almaty, Atyraý, Jezqazǵan, Qaraǵandy, Pavlodar, Temirtaý jáne Shymkent qalalarynda qolaısyz meteorologııalyq jaǵdaı qalyptasady.
Al Rıdder, Semeı jáne Óskemen qalalarynda aýa sapasynyń buzylýynyń ekinshi dárejeli deńgeıi baıqalady. Basqa qalalarda meteojaǵdaı birqalypty bolady.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.
