2 aqpan kúni tuman túsip, jel kúsheıedi

ASTANA. KAZINFORM - Qazgıdromet el aýmaǵynda 2 aqpanda bolatyn qaýipti meteorologııalyq qubylystarǵa boljam jasady. 

Sınoptıkterdiń dereginshe, Qazaqstan aýmaǵynyń basym bóliginde atmosferalyq fronttardyń ótýimen aýa raıynyń turaqsyz sıpaty saqtalady.

«Qar jaýady dep kútilýde, ońtústik, ońtústik-shyǵys, ońtústik batysta jańbyr men qar túrinde jaýyn-shashyn túsedi. Ońtústiktiń, ońtústik-shyǵystyń taýly aımaqtarynda qatty jaýady.

QR boıynsha tuman, boranmen birge jel kúsheıýi múmkin, ońtústik, ońtústik batysta kóktaıǵaq bolady», — dep jazdy vedomstvodan.