2 adamnyń ómirin qıǵan «ArselorMıttal Temirtaý» AQ-da órttiń oryn alý faktisi boıynsha qylmystyq is qozǵaldy
QARAǴANDY. 16 mamyr. QazAqparat - «ArselorMıttal Temirtaý» AQ-da órttiń oryn alý faktisi boıynsha qylmystyq is qozǵaldy. Aıta keteıik, mekemede bolǵan órttiń saldarynan metallýrgııalyq kombınattyń qyzmetkeri men órt sóndirýshi kóz jumyp, taǵy da
bir órt sóndirýshi kúıik shalý belgisimen aýrýhanaǵa jetkizilgen bolatyn.
Bul týraly Qaraǵandy oblysy Temirtaý qalasynyń prokýratýrasynda habarlandy.
«ArselorMıttal Temirtaý» AQ-nyń metallýrgııalyq kombınatynda órttiń oryn alý faktisi boıynsha QR QK-niń 256 babymen (Abaısyzda adam ólimine nemese aýyr jaǵdaılarǵa alyp kelgen órt qaýipsizdigi erejelerin buzý) qylmystyq is qozǵaldy», - dep habarlady qalalyq prokýratýra.
Esterińizge sala keteıik, 15 mamyrynda saǵat 14.30-da «ArselorMıttal Temirtaý» AQ-nyń agloóndiristik tsehynda domna peshine shıhtany jetkizip turatyn konveıerdiń lentasy órtendi. Órttiń taralýy saǵat 17.55-te toqtatyldy.
Órttiń saldarynan «ArselorMıttal Temırtaý» AQ-nyń agloóndiristik tsehynda jumys istegen 45 jastaǵy mashınst jáne №14-inshi órt sóndirý bóliminiń 40 jastaǵy órt sóndirýshisi kóz jumdy. Órt sóndirý bólimi qaraýylynyń 32 jastaǵy basshysy zardap shekti, ol 90 paıyz kúıik jaraqattarymen aýrýhanaǵa jetkizildi. Qazirgi ýaqytta zardap shekken órt sóndirýshi Temirtaý qalasynyń ortalyq aýrýhanasynda jan saqtaý bóliminde jatyr. Dárigerler onyń jaǵdaıyn asa aýyr dep baǵalaýda.
