Nebary 2 978 teńge qaryzy bar qazaqstandyq bankrot dep jarııalanǵan

ASTANA. KAZINFORM – Ótken jyldan bastap qazaqstandyqtarǵa ózin bankrot dep jarııalaýǵa zańdy ruqsat berildi. 2023 jyly 8,3 myń qazaqstandyq «bankrot» statýsyn aldy. Bul týraly Birinshi kredıt bıýrosynan málim etti.

«2023 jyly naýryzda jeke tulǵalardan sotsyz bankrot dep jarııalaýǵa ótinish qabyldana bastady. Jyl sońyna deıin 77 myń ótinish túsken, onyń ishinde 62 myń ótinish keri qaıtaryldy. 8,3 myń qazaqstandyq bankrot statýsyn aldy. Qaryzdyń negizgi kórsetkish somasy — 962 myń teńge, ortasha soma — 1,6 mln teńge, mınımaldy soma — 2978 teńge» delingen habarlamada.  

Eske sala keteıik, 2023 jyly 3 naýryzda elimizde bankrottyqqa ótinim qabyldaý bastaldy.

Atalǵan protsess týraly tolyǵyraq osy siltemede tanysýǵa bolady. 

Ótken jyly qazandaǵy jaǵdaı boıynsha bankrot dep tanylǵandar arasynda 79 jastaǵy qarııa bolǵan.