2,6 myń dollardy urlaǵan kúdikti poıyzda ustaldy
TALDYQORǴAN.QazAqparat - Almaty oblysynda syrt kıimniń qaltasynan qomaqty qarjyny jymqyrǵan kúdikti ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, Jambyl aýdanyndaǵy saýda úıleriniń birindegi kıim iletin bólmeden qomaqty qarjy joǵalǵan. Belgisiz bireý syrt kıimniń qaltasynda turǵan 2,6 myń dollar aqshany urlap ketken. Kúdikti beınebaqylaý kamerasy arqyly anyqtaldy.
Polıtseıler jolaýshy retinde elimizdiń soltústigine ketip bara jatqan kúdiktini poıyzda qolǵa túsirdi. Anyqtalǵandaı, ustalǵan azamat buǵan deıin birneshe ret sottalǵan Uzynaǵash aýylynyń turǵyny eken. Qazir atalǵan fakti boıynsha is qozǵalyp, tergeý jalǵasýda.
