2,6 mln. bekire tuqymdas balyq túrleriniń shabaqtary Jaıyq ózenine jiberildi

ASTANA. QazAqparat - 2,6 mln.dana bekire tuqymdas balyq túrleriniń shabaqtary Atyraý jáne Jaıyq-Atyraý bekire balyq ósirý zaýytynyń ósirý toǵandarynan Jaıyq ózenine jiberildi.

Bul týraly  QR AShM baspasóz qyzmeti habarlady. Onyń ishinde 900 myń danasy bekire shabaǵy jáne 1,7 mln. dana shoqyr shabaǵy.

QR AShM orman sharýashylyǵy jáne janýarlar dúnıesi komıtetiniń balyq qoryn qalpyna keltiretin kásiporyndary jyl saıyn «Orman resýrstary men janýarlar dúnıesin basqarý, saqtaýdy jáne damytýdy qamtamasyz etý» bıýdjettik baǵdarlamasy boıynsha 168,4 mln. dana qundy balyq túrleriniń shabaqtaryn  jasandy ósirip ári qaraı tabıǵı meken etý ortasyna jiberedi.

Balyq shabaqtaryn ósirý bıotehnologııasyna sáıkes qundy balyq túrleriniń shabaqtaryn ósirý boıynsha jumystar jalǵastyrylýda.