2,5 myńnan astam qostanaılyq polıtseı koronavırýsqa qarsy vaktsına alady

QOSTANAI. QazAqparat – Qostanaı oblysynda medıtsına qyzmetkerlerin, muǵalimder men polıtseılerdi vaktsınalaý jalǵasýda. Polıtseıler arasynda 800-ge jýyq ishki ister organdarynyń qyzmetkerleri koronavırýsqa qarsy vaktsına aldy, dep habarlaıdy QazAqparat tilshisi.

Qostanaı oblysy Polıtsııa departamenti medıtsına bóliminiń basshysy Qaırat Nurtazenov atap ótkendeı, vedomstvonyń 2511 qyzmetkerin vaktsınalaý josparlanyp otyr.

«Іshki ister organdarynyń qyzmetkerlerin vaktsınalaý bastaldy. Oblystyq densaýlyq saqtaý basqarmasymen birlesip vaktsınatsııadan ótý grafıgi ázirlendi. 2511 qyzmetker vaktsına alýy tıis. Búgingi k.nde 784 qyzmetker ekpe saldyrdy», - dep habarlady ol.

Oblystyń PD esirtki qylmysymen kúres jónindegi qyzmetker Lev Kvasenko vaktsına alǵannan keıingi jaǵdaıy týraly aıtty.

«Naýryz aıynyń basynda vaktsınatsııanyń birinshi kezeńinen óttim. Ekinshisin naýryzdyń sońynda aldym. Alǵashqy belgiler baıqaldy, dene qyzýym azdap kóterildi, bulshyq etterim men býyndarym aýyrdy. Bul – qalypty jaǵdaı. Óıtkeni onyń ekpe ekenin jáne onyń aǵzaǵa áser etetinin túsiný qajet»,- dep atap ótti ol.

Polıtsııa departamenti qyzmetkeriniń aıtýynsha, ekpe sanaly túrde jasalǵan.

«Qoǵamda jalǵyz turmaıtynyńdy túsiný qajet. Seniń balalaryń bar, dúkenge barasyń, qoǵamdyq kólikke minesiń, kóptegen adammen kezdesesiń. Sondyqtan ekpe aldyrý – bul qajettilik», - dep túıindedi Lev Kvasenko.

Avtor: Janna Musabaeva