2,5 myń jyldyq tarıhy bar Altaı hanshaıymynyń mýmııasy jurtshylyqqa kórsetilmek
ASTANA. 27 shilde. QazAqparat - Ýkoka hanshaıymy nemese Altaı hanshaıymy degen ataýǵa ıe bolǵan mýmııa Altaıdyń Ulttyq murajaıynda kópshilik nazaryna usynylady.
Buǵan deıin murajaı basshylyǵy jaqsy saqtalǵan Altaı hanshaıymynyń beınesi boıynsha jasalǵan manekendi kórmege qoımaqshy bolǵan. Óıtkeni murajaıdaǵylar «ólgen adamnyń súıegin kópshilikke kórsetý» ádeptilikke jatpaıdy dep eseptegen. Alaıda keıinirek murajaı kelýshilerine shynaıy mýmııany kórsetý týraly sheshim qabyldanypty, óıtkeni Altaı Respýblıkasynyń basshysy Aleksandr Berdnıkov Ýkoka hanshaıymy - altaılyqtardyń minájat etetin nyshany ári ekskýrsııa tartýǵa basty nysan bolýy tıis degen.
Aıta keteıik, Altaı hanshaıymyn novosibirlik arheologtar 1993 jyly Ýkok shoqysyndaǵy Ak-Alah-3 qorǵanyn qazý barysynda tapqan. Mýmııanyń jasy 2,5 myń jyldy quraıtyn kórinedi. Qazir mýmııa Novosibirde saqtaýly, degenmen tamyz aıynda ol Taýly Altaıǵa ákelinedi, dep habarlaıdy Eýrazııa birinshi arnasy.
