2,5 mıllıon musylman Mekkede qajylyq paryzyn óteýde
ASTANA. 7 qarasha. QazAqparat /Gúlmıra Alıakparova/ - 2,5 mıllıon musylman qajylyq paryzdaryn óteý úshin Mekkege jınaldy.
Qazaqstan musylmandary Dinı basqarmasy Saýd Arabııasynyń qajylyqqa jaýapty memlekettik mekemeleriniń deregine súıenip habarlaýynsha, bıyl musylmandyq paryzynyń birin óteý úshin qasıetti mekenge sapar shekkenderdiń sany 2,5 mıllıon adamdy qurady.
«Árbir eldiń mıllıon turǵynyna shaqqanda 1000 adamǵa kvota bólingen. Soǵan sáıkes Indonezııadan bıyl 200 myń múmin qajylyq paryzyn óteýge keldi», - delingen taratylǵan habarlamada.
El bıligi qajylyq kezinde qoǵamdyq qaýipsizdikti saqtaý maqsatynda 63 myń polıtsııany jumyldyrdy, onyń 35 myńy arnaıy bólim jaýyngerleri. Sondaı-aq, 22 myń áskerı men 450 bronetransporter Mekke kóshelerin óz baqylaýlaryna aldy.
Onymen birge, Ál-Haram meshitin aınala 1500 jasyryn kamera ornalastyryldy. Jańadan ashylǵan 29 polıtsııa bólimshesi táýlik boıǵy jumys rejimine kóshti. Al, qajylarǵa 20 myńnan astam dárigerler men medbıkeler medıtsınalyq qyzmet kórsetýge daıyn. 5 tikushaq pen birneshe qutqarý bólimshesi de tótenshe jaǵdaılar úshin saqadaı saı daıyn, 12 myńnan astam gıd jumystaryna kirisken.
