2,5 aıǵa jýyq izdeýde bolǵan SQO turǵyny aman-esen tabyldy
Qyzyljar aýdany Chapaev eldi mekeni turǵynynyń aman-esen tabylǵandyǵy jóninde SQO volonterleri habarlady. Elý jastaǵy Narıman Nurseıitov 26 naýryz kúni úıinen Petropavlǵa jolǵa shyǵyp, sodan er adamnan habar úzilgen edi.
SQO polıtsııa departamenti baspasóz qyzmetiniń málimetinshe, er adamdy izdeýge polıtsııanyń arnaıy toptary quryldy, volonterler kómektesti.
«20 mamyr kúni Aqqaıyń aýdany polıtsııa bóliminiń qyzmetkerleri joǵalǵan er adamnyń júrgen jerin anyqtady. Ol Aqmola oblysy Qorǵaljyń aýdanyna ketip, sol jaqta malshy bolyp jumysqa ornalasqan», - delingen habarlamada.
Al, Almaty turǵyny Meralım Marslanovıch Taırov bir aıdan artyq tabylmaı jatyr. Volonterlerdiń aıtýynsha, 34 jastaǵy jigit 9 sáýir kúni jumys istep, aqsha tabý úshin Almatydan Petropavlǵa attanǵan. Sońǵy ret anasymen 15 sáýir kúni telefon arqyly habarlasqan eken.
Meralımniń boıy 175-180 sm shamasynda, deneli kelgen, qoı kózdi, qysqa qara shashyn aq shalǵan, sol qolyna tatý sýret salynǵan. Murnynyń ústinde tyrtyǵy bar.
Ózimen birge kıim-keshek salǵan sómkesi, qujattary men uıaly telefony bolǵan.
Meralım Taırovty kórgen-bilgender 8 701 375 92 91, 8 702 731 95 38 nemese 102 telefon nómirine habarlasa alady.
Buǵan deıin izdeý jarııalanǵan Murat Muhanjarovtan da ázirge habar joq. Týǵan-týystary úmit úzbeıdi. Petropavldyń 47 jastaǵy turǵyny byltyr tamyzda úıinen jumys isteımin dep ketken. Qazan aıynyń basynda aǵasyna telefon shalyp, Býlaev qalasynda qurylysta júrgenin aıtqan. Sodan beri habarsyz.
