2,4 mln teńge bereshegi bar azamat «Almaty-Astana» poıyzynan túsirildi

ÓSKEMEN. QazAqparat – Shyǵys Qazaqstan oblysynda 2,4 mln teńge qaryzy bar azamat poıyzdan túsirildi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary 2,4 mln teńgeden astam qaryzy bar er adamdy «Almaty-Astana» poıyzynan túsirip alǵan. Ol bıznes seriktesinen 2 jyl buryn qaryz alyp, qysqa ýaqyt ishinde qaıtaryp beretindigi jaıly qolhat jazyp bergen. Biraq osy ýaqytqa deıin aqshany qaıtarmaǵan.

«Óskemen qalalyq polıtsııa basqarmasyna jeke sot oryndaýshysynan 33 jastaǵy azamattan eki mıllıon teńgeden astam qaryzdy óndirip alý týraly qaýly kelip túsken. Іzdestirý is-sharalary barysynda kóshi-qon qyzmetiniń mamandary boryshkerdiń ornalasqan jerin anyqtady. Ol Almatydan elordaǵa bara jatqan poıyzda bolǵan», - delingen aqparatta.

Polıtseıler boryshkerdi Shý qalasyndaǵy stantsııada ustaǵan. Endi qaryzdy óndirip alýmen sot oryndaýshylary aınalysatyn bolady.

Jyl basynan beri Polıtsııa departamenti 70-ten astam boryshkerdi anyqtady.