2-11 aqpan aralyǵynda elordalyq emhanalarda Ashyq esik kúnderi ótedi

ASTANA. QazAqparat - Ústimizdegi jyldyń 2 - 11 aqpany aralyǵynda búkilálemdik qaterli isikke qarsy kúres kúni jáne bastapqy kezeńde onkologııalyq aýrýlardyń aldyn alý jáne emdeý onkúndigi aıasynda Astana qalasynyń densaýlyq saqtaý mekemelerinde Ashyq esik kúnderi ótedi, dep habarlady astana.gov.kz.

Shara barysynda mammolog jáne onkolog dárigerler konsýltatsııa júrgizedi. Sonymen qatar, kelýshiler skrınıngten ótip, ózderin mazalaǵan suraqtarǵa jaýap ala alady.

Onkúndik aıasynda medıtsınalyq mekemelerde onkologııalyq patologııany emdeý boıynsha dóńgelek ústelder, konferentsııalar, semınarlar, trenıngter ótkiziledi.

Eske sala keteıik, 2011-2015 jyldarǵa arnalǵan «Salamatty Qazaqstan» densaýlyq saqtaý salasyn damytý Memlekettik baǵdarlamasynyń basym baǵyttarynyń biri onkologııalyq aýrýlarmen kúres bolyp tabylady.