1995 jyly qabyldanǵan Ata zań - búkilhalyqtyq qujat bolyp tabylady - M. Kópeı

ASTANA. Tamyzdyń 25-i. QazAqparat /Qanat Mámetqazyuly/ - Qazaqstannyń 1995 jyly qabyldaǵan Konstıtýtsııasy - búkilhalyqtyq qujat bolyp tabylady. Búgin Astanada «Konstıtýtsııa - demokratııa men qoǵam turaqtylyǵynyń negizi» atty dóńgelek ústel jıyny barysynda QR Parlamenti Senaty Tóraǵasynyń orynbasary Muhambet Kópeı osyndaı pikir bildirdi.

«Konstıtýtsııa - bul dogma emes. Ata zańymyz qabyldanǵan sońǵy 15 jyl ishinde biz qoldanystaǵy normalarǵa eki márte ózgerister engizdik. Alaıda, Qazaqstan Respýblıkasyndaǵy adamdar jáne azamattar quqyǵy men mindetterin retteıtin normalar sol qalpynda, esh ózgerissiz qaldy. Sondyqtan da, Qazaqstan qoǵamynda turaqtylyq saltanat quryp otyr», dedi M. Kópeı óz sózinde.

Sonymen birge, senator Qazaqstan halqy Assambleıasynyń qoǵamdaǵy beıbitshilik pen kelisimdi qamtamasyz etý róline toqtala kele, bundaı ınstıtýttyń álem elderine úlgi bolyp otyrǵanyn alǵa tartty.