1995-1996 jyly týǵan jasópirimder arasyndaǵy «Coca-Cola Bylǵary dop» týrnıriniń aqtyq oıyndary Qaraǵandyda ótedi
ALMATY. Shildeniń 15-i. QazAqparat /Erlik Erjanuly/ - Qaraǵandyda shildeniń 18-i kúni «Shahter» stadıonynda 1995-1996 jylǵy týǵan jasóspirimder arasynda «Coca-Cola Bylǵary dop» týrnıriniń aqtyq oıyndary ótedi.
Dástúrli túrde jyl saıyn uıymdastyrylatyn bul dúbirli dodanyń irikteý oıyndary sáýir aıynda bastaldy. Alǵashqy kezeńde jasóspirimder mektep ishi (synyptar arasyndaǵy), odan keıin aýdandyq, qalalyq jáne oblys deńgeıinde saıysqa tústi. Endi aımaq jeńimpazdary ózara kúsh synasatyn bolady.
Bıylǵy jyly besinshi ret ótkizilgeli otyrǵan týrnır eldegi balalardyń eń kóp qatysatyn sport saıysy bolyp tabylady. Ótken kóktemde «Coca-Cola Bylǵary Dop» jalpyqazaqstandyq balalar men jasóspirimderdiń fýtbol týrnırin ótkizýdi jalǵastyrý týraly kezekti úsh jyldyq kelisimshartqa qol qoıyldy. Bul sport dodasyna bıyl elimizdiń túkpir-túkpirinen 5 myńnan astam mektepten 500 myń oqýshy qatysty. Keńes odaǵy taraǵanan keıin 2006 jyly qaıta jalǵasqan «Bylǵary dop» týrnırinde eń úzdik shabýylshy atanǵan 19 jastaǵy Sergeı Hıjnıchenko qazirgi tańda ulttyq qurama sapynda óner kórsetip júr.
